Ամերիկայում մեկնարկել է Հայաստանի բասկետբոլի ազգային հավաքականի ընկերական խաղերի տոմսերի վաճառքը

Հայաստանի տղամարդկանց բասկետբոլի ազգային հավաքականը երկու ընկերական հանդիպում կանցկացնի Կոստա Ռիկայի հավաքականի դեմ։ Խաղերը կկայանան հունիսի 6-ին՝ Ֆրեզնոյում, և հունիսի 8-ին՝ Գլենդեյլում (Քրեսկենտա), Կալիֆոռնիա նահանգում։

Տոմսերը արդեն հասանելի են գնելու համար՝ հղումով։

FIBA-ի ընթացիկ վարկանիշում Կոստա Ռիկայի հավաքականը զբաղեցնում է 74-րդ տեղը, իսկ Հայաստանի թիմը՝ 92-րդ։

ԱՄՆ-ում անցկացվող ընկերական հանդիպումները դարձել են Հայաստանի հավաքականի լավ ավանդույթ։ 2023 թվականին թիմը խաղացել է Ֆրանսիայի հետ, 2024-ին՝ Իռլանդիայի և Գվատեմալայի, իսկ այս տարի մրցակիցը Կոստա Ռիկան է։ Այս հանդիպումները ոչ միայն հնարավորություն են տալիս մարզչական շտաբին փորձարկել տակտիկական սխեմաները պաշտոնական խաղերից առաջ, այլև հետևել Հյուսիսային Ամերիկայի ուսանողական և սիրողական լիգաներում հանդես եկող պոտենցիալ նորեկներին։