Հայաստան – Հունգարիա հանդիպմանը նշանակվել է իսպանական մրցավարական բրիգադ

Իսպանացի մրցավարները կսպասարկեն 2026 թվականի աշխարհի առաջնության որակավորման փուլի 5-րդ տուրի Հայաստան – Հունգարիա հանդիպումը, որը կանցկացվի նոյեմբերի 13-ին Երևանում։

Հանդիպման գլխավոր մրցավար է նշանակվել 42-ամյա Խոսե Մարիա Սանչեսը։ Ընթացիկ մրցաշրջանում նա սպասարկել է Իսպանիայի Լա Լիգայի խաղեր, ինչպես նաև դատավարել է Չեմպիոնների լիգայի երկու հանդիպում՝ «Բավարիա» – «Չելսի» (3:1) և «Մարսել»-«Ատալանտա» (0:1)։ Հետաքրքիր է, որ երկու հանդիպումներում էլ Սանչեսը նշանակել է 11-մետրանոց։

Նշենք, որ մրցավարը արդեն ունի փորձ Երևանում՝ 2023-ին նա սպասարկել է Հայաստան – Թուրքիա (1:2) հանդիպումը և ցույց տվել 9 դեղին քարտ։

Իր կարիերայում Սանչեսը միջինում ցուցադրում է 5.17 դեղին և 0.21 կարմիր քարտ մեկ խաղում, իսկ նշանակած 11-մետրանոցների միջին քանակը կազմում է 0.29։

Մրցավարական բրիգադը Հայաստան – Հունգարիա հանդիպմանը

• Գլխավոր մրցավար՝ Խոսե Մարիա Սանչես (Իսպանիա)

• Կողքի մրցավարներ՝ Ռաուլ Կաբանյերո (Իսպանիա), Ինյիգո Պրիետո (Իսպանիա)

• Չորրորդ մրցավար՝ Խուան Մարտինես Մունուերա (Իսպանիա)

• VAR մրցավար՝ Կառլոս դել Սիեռո Գրանդե (Իսպանիա)

• VAR-ի օգնական՝ Վալենտին Գոմես (Իսպանիա)