2025 թ. Ջուդոյի երիտասարդների աշխարհի առաջնություն Լիմայում․ երկրորդ օրվա արդյունքները

Հոկտեմբերի 6-ին Պերուի մայրաքաղաք Լիմայում անցկացվեց մինչև 20 տարեկան մարզիկների 2025 թվականի ջուդոյի երիտասարդների աշխարհի առաջնության երկրորդ օրը։ Այս օրը խաղարկվեցին մեդալները տղամարդկանց 73 և 81 կգ, ինչպես նաև կանանց՝ 63 և 70 կգ քաշային կարգերում։

Օրվա արդյունքներով Ճապոնիայի հավաքականը նվաճեց երկու ոսկե մեդալ։ Եվս մեկական ոսկի շահեցին Տաջիկստանի և Շվեյցարիայի ներկայացուցիչները։ Երկու մրցումային օրերից հետո Ճապոնիան վստահորեն գլխավորում է մեդալային հաշվարկը՝ 5 ոսկե մեդալով։

Այդ օրը Շվեդիայի հավաքականում հանդես եկավ Նարեկ Վարդանյանը (73 կգ), որը գրավեց 5-րդ տեղը։ Նա տարավ 3 հաղթանակ և պարտվեց բրոնզե մեդալի համար մենամարտում։ Գերմանիայի ներկայացուցիչ Արթուր Հակոբյանը (73 կգ) ունեցավ մեկ հաղթանակ և կանգ առավ 1/8 եզրափակչում։

Երկրորդ օրվա արդյունքները՝ Ջուդոյի երիտասարդների ԱԱ-2025

Տղամարդիկ

73 կգ․

1. Մուխիդդին Ասադուլլոև (Տաջիկստան)

2. Ռյուսեյ Արակավա (Ճապոնիա)

3. Կեյտո Կիհարա (Ճապոնիա) և Իրակլի Գոգինաշվիլի (Մեծ Բրիտանիա)

81 կգ․

1. Հարու Ակիտա (Ճապոնիա)

2. Ահմեդ Տուրլուև (Ռուսաստան)

3. Միխայլո Սիմին (Սերբիա) և Սամարիդդին Մուխիբիդդինով (Ուզբեկստան)

Կանայք

63 կգ․

1. Սո Մորիչիկա (Ճապոնիա)

2. Վիկտորիա Մարտինենկո (Ռուսաստան)

3. Լինթխոյ Չանամբամ (Հնդկաստան) և Սավիտա Ռուսո (Ֆրանսիա)

70 կգ․

1. Էյպրիլ Լին Ֆոխոուո (Շվեյցարիա)

2. Ալեքսանդրա Անդրիչ (Սերբիա)

3. Յանյա Ցվետկո (Խորվաթիա) և Թեոֆիլիա Դարբես-Տակամ (Ֆրանսիա)

Մրցումների վերջին օրը՝ հոկտեմբերի 7-ին, կվերցվեն մեդալներ տղամարդկանց 90, 100 և +100 կգ, ինչպես նաև կանանց 78 և +78 կգ քաշային կարգերում։

Հայաստանի հավաքականը մրցաշարին մասնակցություն չի ունեցել։