Հայաստանի երիտասարդական բասկետբոլի հավաքականը պարտվեց Շվեյցարիային ընկերական խաղում
- Հեղինակ: Vahe Hakobyan
- Sportaran
Մինչև 20 տարեկանների Հայաստանի բասկետբոլի հավաքականը շարունակում է նախապատրաստվել B դիվիզիոնի Եվրոպայի առաջնությանը, որը կմեկնարկի հուլիսի 11-ին Երևանում։ Պատրաստության փուլում թիմը ընկերական խաղ անցկացրեց Շվեյցարիայի հասակակիցների հետ։
Հանդիպումն ավարտվեց հյուրերի հաղթանակով՝ 88:62 Շվեյցարիայի օգտին։ Չնայած պարտությանը՝ հայաստանյան հավաքականը ստացավ կարևոր խաղային փորձ։ Հայաստանի կազմում ամենաարդյունավետը եղավ Յուրա Մելիքյանը, ով ձևակերպեց դաբլ-դաբլ՝ 17 միավոր, 10 անդրադարձ և 3 արդյունավետ փոխանցում։
Մարզչական շտաբը շարունակում է փորձարկումներ կատարել կազմի և տակտիկական սխեմաների հետ՝ խաղաժամանակ տրամադրելով բոլոր բասկետբոլիստներին։
Հայաստանի երիտասարդական հավաքականի հաջորդ ստուգողական հանդիպումը կկայանա հուլիսի 9-ին՝ Վրաստանի հավաքականի դեմ։ Խաղը տեղի կունենա «Միկա» մարզահամալիրում և կմեկնարկի ժամը 19:00-ին։
Քննարկեք նորությունները!
Անցնել մեկնաբանություններին ↓
Comments
0