Երիտասարդ հայ մարզիչ Հայկ Միլկոնն առաջատար նշանակվեց Բելգիայի «Դենդեր» ֆուտբոլային ակումբում
- Հեղինակ: Vahe Hakobyan
- Sportaran
Բելգիայի Բարձրագույն լիգայում հանդես եկող «Դենդեր» ՖԱ-ն պաշտոնապես հայտարարեց նոր գլխավոր մարզչի նշանակման մասին։ Առաջնությունում վեց տուրից հետո վերջին տեղում գտնվող թիմը գլխավորեց 32-ամյա հայ մասնագետ Հայկ Միլկոնը (Մելքոնյան)։
Միլկոնի համար սա առաջին փորձն է որպես պրոֆեսիոնալ թիմի գլխավոր մարզիչ։ Մինչ այդ նա աշխատում էր «Բրյուգե»-ի համակարգում՝ սկսելով U18 երիտասարդական թիմից, այնուհետև միանալով առաջին թիմի մարզչական շտաբին։
Հայկ Միլկոնը ծնվել է Բեյրութում՝ լիբանանահայ ընտանիքում, սակայն արդեն երկար տարիներ բնակվում և աշխատում է Բելգիայում։
«Դենդեր»-ի սպորտային տնօրեն Ժյուլյեն Գորիուսը նշեց, որ ակումբը երիտասարդ մասնագետում տեսնում է ժամանակակից մարզիչի, որը կարող է զարգացնել խաղացողներին և ներդաշնակվել երկարաժամկետ ռազմավարությանը․
«Հայկն ունի առաջնության գերազանց գիտելիքներ, ուժեղ բնավորություն և մեծ վճռականություն։ Նրա ժամանակակից մոտեցումն ու երիտասարդ տաղանդների հետ աշխատելու ունակությունը լիովին համապատասխանում են մեր փիլիսոփայությանը»։
Ակումբի հայտարարության համաձայն՝ Միլկոնը թիմի հետ կսկսի աշխատել արդեն հաջորդ շաբաթ։
Քննարկեք նորությունները!
Անցնել մեկնաբանություններին ↓
Comments
0