«Միլանը» 2026 թվականը սկսեց Սերիա Ա-ի գագաթին
- Հեղինակ: Vahe Hakobyan
- Sportaran
2026 թվականը իտալական Սերիա Ա-ում մեկնարկեց 18-րդ տուրի հանդիպմամբ «Կալյարիի» և «Միլանի» միջև։ «Ռոսոներին» հաղթեցին 1:0 հաշվով և այդ հաջողության շնորհիվ ժամանակավորապես գլխավորեցին մրցաշարային աղյուսակը՝ մինչև «Ինտերի» հանդիպումը, որը հունվարի 4-ին կխաղա «Բոլոնիայի» հետ։
Հանդիպման միակ գոլը 50-րդ րոպեին խփեց Ռաֆայել Լեաոն՝ Ադրիեն Ռաբիոյի փոխանցումից հետո։ Պորտուգալացի հարձակվողը ճանաչվեց հանդիպման լավագույն խաղացող։
Չնայած բազմաթիվ վնասվածքներին և բաց թողած խաղերին, Լեաոն արդեն խփել է վեց գոլ Սերիա Ա-ում և զբաղեցնում է երրորդ տեղը առաջնության ռմբարկուների ցուցակում։
Հունվարի 2-ի խաղում «Միլանի» կազմում իր նորամուտը նշեց Գերմանիայի հավաքականի հարձակվող Նիկոլաս Ֆյուլկրուգը, որը օրեր առաջ «Վեստ Հեմից» տեղափոխվել էր իտալական ակումբ՝ մինչև մրցաշրջանի ավարտը վարձակալությամբ։ Նա խաղադաշտ դուրս եկավ 69-րդ րոպեին՝ փոխարինելով Լեաոյին։
18 տուրից հետո Մասիմիլիանո Ալեգրիի գլխավորած թիմը ունի 38 միավոր։ «Ինտերը» ունի 36 միավոր և մեկ խաղ պակաս։
Հետաքրքիր է, որ «Միլանը» առաջնությունում չի պարտվում արդեն 16 հանդիպում անընդմեջ։
Քննարկեք նորությունները!
Անցնել մեկնաբանություններին ↓
Comments
0