Միխայիլ Գրիգորյանը վստահ հաղթանակ տարավ Shamo Boxing 104 մրցաշարում Մոսկվայում
- Հեղինակ: Vahe Hakobyan
- Sportaran
Անպարտելի 22-ամյա բռնցքամարտիկ Միխայիլ Գրիգորյանը (8-0) վստահ հաղթանակ տարավ նամիբիացի Ջոն Շիկուկուտայի (5-3-2) նկատմամբ Shamo Boxing 104 բռնցքամարտի երեկոյի շրջանակում, որը կայացավ փետրվարի 13-ին Մոսկվայում։
Մենամարտը տևեց նախատեսված բոլոր 10 ռաունդները և ավարտվեց միաձայն մրցավարական որոշմամբ՝ հօգուտ Գրիգորյանի։ Ռուսաստանահայ բռնցքամարտիկը անցկացրեց օրինակելի մենամարտ՝ ցուցադրելով բարձր տեմպ, հեռավորության հիանալի վերահսկում և տակտիկական կարգապահություն։ Բոլոր տասը ռաունդներում նա վստահորեն գերազանցում էր մրցակցին, վերահսկում մենամարտի ընթացքը և թույլ չտվեց Շիկուկուտային պարտադրել իր ոճը։
Գրիգորյանը գրագետ համադրում էր հարվածները մարմնին և գլխին, գործում էր առաջին համարով և պարբերաբար բացեր էր գտնում նամիբիացիի պաշտպանության մեջ։ Շիկուկուտան փորձում էր պատասխանել հակահարվածներով, սակայն նախաձեռնությունը ամբողջ մենամարտի ընթացքում մնում էր հայ բռնցքամարտիկի ձեռքում։
Այսպիսով, Միխայիլ Գրիգորյանը պահպանեց իր անպարտելիությունը և իր պրոֆեսիոնալ ռեկորդը հասցրեց 8-0-ի՝ կատարելով ևս մեկ վստահ քայլ առաջ իր կարիերայում։
Այս մրցաշարի շրջանակում ելույթ ունեցավ նաև Եկատերինա Սիչևան, որը նախկինում ընդգրկված էր Հայաստանի բռնցքամարտի հավաքականում։
Հայաստանի չեմպիոն Եկատերինա Սիչևան իր առաջին պրոֆեսիոնալ մենամարտում միաձայն որոշմամբ հաղթեց Ադրբեջանի չեմպիոն Լիլիա Պլատովային՝ 6 ռաունդ տևած պայքարից հետո։
Սիչևան նվաճեց AFL-ի չեմպիոնական գոտին։
Քննարկեք նորությունները!
Անցնել մեկնաբանություններին ↓
Comments
0