Մխիթարյանը վերադարձել է արձակուրդից և նորավարտ Mercedes-ով հասել «Ինտերի» բազա
- Հեղինակ: Vahe Hakobyan
- Sportaran
Միլանի «Ինտերի» կիսապաշտպան և Հայաստանի հավաքականի պատմության լավագույն ռմբարկու Հենրիխ Մխիթարյանը վերադարձել է արձակուրդից և ժամանել ակումբի մարզաբազա, հայտնում է FcInterNews-ը։
36-ամյա ֆուտբոլիստը BPER բազա է ժամանել կապույտ «Մերսեդեսով»՝ թիմի դարպասապահ Յան Զոմմերի ուղեկցությամբ։ Երկու խաղացողներն էլ ակումբի տարածքում հայտնվել են տեղական ժամանակով առավոտյան 07:30-ին։ «Ինտերի» նորեկ Պետար Սուչիչը բազա էր ժամանել ավելի վաղ, իսկ գլխավոր մարզիչ Քրիստիան Քիվուն արդեն տեղում էր մինչև ժամը 7-ը։
Հուլիսի 26-ին «Ինտերը» պաշտոնապես սկսել է նախապատրաստությունը 2025/26 մրցաշրջանին։ Մինչ Իտալիայի առաջնության մեկնարկը միլանցիները կանցկացնեն երեք ընկերական խաղ․
-
Օգոստոսի 8 (22:00) – «Մոնակոյի» դեմ
-
Օգոստոսի 12 (23:00) – «Մոնցայի» դեմ
-
Օգոստոսի 16 (22:30) – «Օլիմպիակոսի» դեմ
Սերիա A-ի առաջին հանդիպումը «ներաձուրրիները» կանցկացնեն Օգոստոսի 25-ին՝ տանը «Տորինոյի» դեմ։ Խաղը կսկսվի Երևանի ժամանակով 22:45-ին։
Քննարկեք նորությունները!
Անցնել մեկնաբանություններին ↓
Comments
0