Մխիթարյանը Չեմպիոնների լիգայում. Ինչպես իտալական լրատվամիջոցները գնահատեցին նրա խաղը «Այաքսի» դեմ

«Ինտերը» Չեմպիոնների լիգայի 2025/26 մրցաշրջանի առաջին տուրում վստահ հաղթանակ տարավ «Այաքսի» հետ արտագնա խաղում՝ 2:0 հաշվով։ Երկու գոլերն էլ հեղինակեց ֆրանսիացի հարձակվող Մարկուս Տյուրամը։

Միլանցիների հայ կիսապաշտպան Հենրիխ Մխիթարյանը դաշտում անցկացրեց 69 րոպե, ստացավ դեղին քարտ և գրանցեց հետևյալ վիճակագրությունը․

• Խաղացած րոպեներ՝ 69

• Ճշգրիտ փոխանցումներ՝ 19 (90%)

• Երկար փոխանցումներ՝ 1/1

• Դուելների հաղթանակներ՝ 2/4

• Գնդակի կորուստներ՝ 2

• Խախտումներ՝ 2

• Դեղին քարտեր՝ 1

• Հեռացումներ՝ 1

• Ընդհատումներ՝ 2

• Գնդակազրկումներ՝ 2

• SofaScore գնահատական՝ 6.8

Ահա թե ինչպես գնահատեցին Մխիթարյանի խաղը իտալական մամուլը․

• Passioneinter – 6.5․ Շատ աշխատանք կատարեց խաղը կապելու համար, հաճախ առաջ էր գնում՝ գործելով գրեթե որպես լրացուցիչ հարձակվող։ Նրա գործողությունները աչքի չընկան, բայց օգնում էին ճնշում գործադրել «Այաքսի» վրա և հեշտացնել հարձակման զարգացումը։

• 90min – 5.5․ «Ինտերի» ամենաանտեսանելի խաղացողը։ Փորձում էր ճնշում գործադրել, բայց հաճախ խախտում էր կանոնները։ Արդյունքում ստացավ դեղին քարտ։

• Fcinternews – 6․ Դեռ Թուրինում մեծ առաջընթացի նշաններ չցուցադրեց։ «Յուվենտուսի» հետ ամբողջական խաղից հետո մեկնարկային կազմում հայտնվելը անակնկալ էր։ Հայը լավագույն վիճակում չէր, սխալներ էր թույլ տալիս դիրքային փոփոխությունների և տեխնիկայի մեջ։ Մի սխալի հետևանքով Գոդցը դուրս եկավ Զոմմերի դիմաց։ Այնուամենայնիվ, օգտակար աշխատանք կատարեց պաշտպանությունում։

• Sport.virgilio – 6․ Չափազանց աչքի չընկավ, բայց օգտակար խաղաց դաշտի կենտրոնում։

• Calciomercato – 6․ Սկսեց զգուշորեն, իսկ Գոդցի պահի ժամանակ գիծը չափազանց բարձր էր պահել։ Դրանից հետո «Այաքսի» պաշտպան Ռեգեերը խիստ հսկում էր նրան։

• Tuttomercatoweb – 5.5․ Չնայած սպասումներին՝ սեզոնի առաջին չորս խաղերից երրորդ անգամ մեկնարկեց։ Սկզբում անհավասարակշիռ էր, սխալ դուրսբերում արեց, հնարավորություն նվիրեց Գոդցին, բայց հետո խաղը կայունացրեց։

• Leggo – 6․ Սովորականից ավելի ագրեսիվ էր խաղում, կարծես ուզում էր ինչ-որ բան ապացուցել «Յուվեի» դեմ հանդիպումից հետո։ Փորձում էր, բայց դեռ հեռու է լավագույն ձևից։

Օրվա մյուս խաղերը Չեմպիոնների լիգայում

• «Այաքս» – «Ինտեր» 0:2

• «Օլիմպիակոս» – «Պաֆոս» 0:0

• «Սլավիա Պրագա» – «Բուդե/Գլիմտ» 2:2

• «Բավարիա» – «Չելսի» 3:1

• «Լիվերպուլ» – «Աթլետիկո» 3:2

• «ՊՍԺ» – «Ատալանտա» 4:0