Մխիթարյանը մասնակցեց առաջին նախամրցաշրջանային հանդիպմանը «Մոնակոյի» դեմ (վիճակագրություն և գնահատական)

Օգոստոսի 8-ին Միլանի «Ինտերը» Քրիստիան Կիվուի գլխավորությամբ անցկացրեց առաջին ընկերական հանդիպումը՝ 2025/26 մրցաշրջանի նախապատրաստական փուլում։ Թիմը վերջերս էր վերադարձել արձակուրդից՝ 2025 թ. Աշխարհի ակումբային առաջնությունից հետո, և արտագնա խաղում հանդիպեց «Մոնակոյի» հետ։

Խաղը միլանցիների համար հեշտ չստացվեց։ Արդեն 2-րդ րոպեին Մագնուս Ակլյուշը առաջ մղեց տանտերերին, իսկ 36-րդ րոպեին Հաքան Չալհանօղլուն ստացավ ուղիղ կարմիր քարտ։ Այնուամենայնիվ, ավելի քան մեկ ժամ խաղալով թերի կազմով՝ «Ինտերը» կարողացավ հաղթանակ կորզել։ 60-րդ րոպեին Լաուտարո Մարտինեսը հավասարեցրեց հաշիվը, իսկ 80-րդ րոպեին թիմի նորեկ Անժե-Յոան Բոննին, իր դեբյուտային խաղում «ներաձուրրիի» կազմում, գեղեցիկ սոլո անցումից հետո խփեց հաղթական գնդակը։

«Ինտերի» հայ կիսապաշտպան Հենրիխ Մխիթարյանը խաղադաշտ դուրս եկավ 66-րդ րոպեին և, իտալական մամուլի կարծիքով, նկատելիորեն ամրապնդեց թիմի խաղը․

• Fcinter1908 — 6․ Պաշտպանության փուլում օգտակար փորձ։ Ցուցադրեց սառնասրտություն և պրոֆեսիոնալիզմ։

• Fcinternews — 6․ Թարմություն հաղորդեց թիմին, որը մեծ մասը կենտրոնացած էր դարպասների պաշտպանության վրա։ Հայի փորձը իսկական փրկություն էր, հատկապես ազատ գնդակների համար պայքարում։

• Passioneinter — 6․ Խաղին հավասարակշռություն բերեց։

Մխիթարյանի վիճակագրությունը հանդիպմանը․

• Խաղի րոպեներ՝ 25

• Ճշգրիտ փոխանցումներ՝ 6 (75%)

• Հարվածներ՝ 1

• Հաղթած մենամարտեր՝ 2/5

• Գնդակների կորուստներ՝ 5

• Գնդակազերծումներ՝ 2

• Ընդհատումներ՝ 2

• SofaScore գնահատական՝ 6․5