Մելսիկ Բաղդասարյանը նոկաուտով պարտվեց Ջին Սիլվային առաջին ռաունդում

Հայ մարտիկ Մելսիկ Բաղդասարյանը (8-3) ցավալի պարտություն կրեց բրազիլացի Ջին Սիլվայի (15-2) դեմ մենամարտում՝ նոկաուտով պարտվելով առաջին ռաունդում։ Մենամարտը կայացավ փետրվարի 23-ին Սիեթլում՝ UFC Fight Night: Cejudo vs. Song մրցաշարի շրջանակում։

Մենամարտի հենց սկզբից Սիլվան և Բաղդասարյանը հետախուզում էին միմյանց, ու շատ հարվածներ չէին փոխանակում։ Չնայած հայ մարզիկի փորձերին վերահսկել հեռավորությունը և օգտագործել իր քիքբոքսինգի տեխնիկան, բրազիլացին կարողացավ թելադրել իր խաղը և ավարտեց մենամարտը արագ ու տպավորիչ նոկաուտով՝ երկու հարվածի կոմբինացիայով դեպի գլուխ։

Սա ավելի շատ հոգեբանական հաղթանակ էր։ Հարվածից առաջ բրազիլացին շեղեց հանդիսատեսի ուշադրությունը, ապա ճշգրիտ երկու հարված հասցրեց ծնոտին։

Ջին Սիլվայի համար այս հաղթանակը UFC-ում չորրորդն անընդմեջ էր, և բոլոր չորս մենամարտերն էլ նա հաղթել է առաջին ռաունդում՝ նոկաուտով, ինչը հաստատում է նրա կարգավիճակը որպես դիվիզիոնի ամենավտանգավոր հարվածողներից մեկը։

Իսկ Մելսիկ Բաղդասարյանը UFC-ում կրեց իր երկրորդ պարտությունը: