Մելսիկ Բաղդասարյանը բացատրել է, թե ինչու պետք է յուրաքանչյուր հայ մարզիկ ներկայացնի Հայաստանը

Հայ ՄՄԱ մարտիկ Մելսիկ Բաղդասարյանը (8-2) այս շաբաթ օրը՝ փետրվարի 22-ին, անցկացնելու է իր հինգերորդ մենամարտը UFC-ում։ 33-ամյա մարզիկը մրցելու է բրազիլացի Ժան Սիլվայի (14-2) դեմ։

Armenian Sports News-ին տված հարցազրույցում Բաղդասարյանը նախքան մենամարտը պատմել է, թե ինչու պետք է յուրաքանչյուր հայ ներկայացնի իր երկիրը.

«Եթե քո ազգանունը վերջանում է «-յան»-ով, և դու ծնվել ես Հայաստանում կամ նրա սահմաններից դուրս, բայց հայ ես, ապա պետք է լինես ազգի հպարտությունը։ Ինքնազարգացող և իսկական հայը պետք է բարձրաձայնի իր մասին, ցույց տա, թե ով է, և կատարի ճիշտ քայլեր։

Յուրաքանչյուր մարդ հոգ է տանում իր ընտանիքի մասին՝ կնոջ, երեխաների, հարազատների, աշխատում է, ձգտում է դեպի լավը։ Նույնը պետք է լինի ազգի հետ․ ազգը մեծ ընտանիք է, և յուրաքանչյուր հայ պետք է մտածի նրա բարօրության մասին։ Ներդրումը կարող է տարբեր լինել՝ փոքր գործերից մինչև մեծ ձեռքբերումներ»։