«Արարատ-Արմենիա» — «Շիրակ» հանդիպումը դադարեցվել է լույսի անջատման պատճառով

Հայաստանի Պրեմիեր լիգայի 15-րդ տուրի «Արարատ-Արմենիա»–«Շիրակ» հանդիպումը դադարեցվեց 26-րդ րոպեին՝ հաշիվը 0:0, Ավանի ֆուտբոլի ակադեմիայի մարզադաշտում հանկարծակի էլեկտրականության անջատման հետևանքով։

Լուսավորության բացակայության և տեսանելիության վատթարացման պատճառով գլխավոր մրցավարը ստիպված էր դադարեցնել խաղը։ Երկու թիմերի ֆուտբոլիստները ավելի քան 50 րոպե սպասեցին որոշման, սակայն լուսավորությունը վերականգնել չհաջողվեց։

Խորհրդակցություններից հետո որոշվեց հանդիպման մնացած մասը տեղափոխել վաղը՝ դեկտեմբերի 1-ին։ Խաղը կշարունակվի 27-րդ րոպեից՝ 0:0 հաշվից։

Նշենք, որ «Արարատ-Արմենիա»-ի հաղթանակի դեպքում թիմը կգնա ձմեռային ընդմիջման՝ զբաղեցնելով մրցաշարային աղյուսակի առաջին տեղը։ Սա 2025 թվականի վերջին հանդիպումն է երկու թիմերի համար։