Մարկ Գևորգյանը նորամուտն է նշել «Հանովեր 96»-ի հիմնական կազմում (ՎԻԴԵՈ)
- Հեղինակ: Vahe Hakobyan
- Sportaran
20-ամյա հայ ֆուտբոլիստ Մարկ Գևորգյանը այսօր ամբողջական հանդիպում է անցկացրել «Հանովեր 96»-ի հիմնական թիմի կազմում։ Պաշտպանը խաղադաշտ է դուրս եկել աջ եզրային պաշտպանի դիրքում՝ երեք կենտրոնական պաշտպաններով խաղային սխեմայում և հնարավորություն ստացել իրեն դրսևորելու ակումբի ուսումնամարզական հավաքի ընթացքում անցկացված ընկերական խաղում։
Գևորգյանը ակտիվորեն միացել է գրոհներին և երկրորդ խաղակեսում երկու անգամ մոտ է եղել արդյունավետ գործողության։ Մեկ դրվագում նա վտանգավոր հարված է կատարել դարպասին՝ անհատական անցումից հետո, իսկ մյուսում հաջողությամբ խլել է գնդակը և փորձել փոխանցում կատարել տուգանային հրապարակ, սակայն մրցակցի դարպասապահը կարողացել է միջամտել։
Ընդհանուր առմամբ Մարկը անցկացրել է որակյալ հանդիպում․ պաշտպանությունում երբեմն թույլ է տվել սխալներ, սակայն մշտապես աջակցել է հարձակմանը և գործել համարձակ ու ակտիվ։
ՎԻԴԵՈ․
Այս հանդիպումը դարձավ Գևորգյանի նորամուտը «Հանովեր 96»-ի հիմնական թիմում։ Ընթացիկ մրցաշրջանը նա սկսել էր U23 թիմում, որը հանդես է գալիս Ռեգիոնալլիգայում, որտեղ 17 խաղում աչքի է ընկել մեկ գոլային փոխանցմամբ։
Նշենք, որ հունվարի 9-ին Գերմանիայի երկրորդ Բունդեսլիգան ներկայացնող «Հանովեր 96»-ը Բելեկում (Թուրքիա) անցկացվող ուսումնամարզական հավաքի ընթացքում անցկացրել է երկու ընկերական հանդիպում․ առավոտյան հաղթել է «Դույսբուրգին» (2:0), իսկ ցերեկը՝ «Մանգեյմին» (1:0)։ Մարկ Գևորգյանը մասնակցել է երկրորդ հանդիպմանը։ Հայ ֆուտբոլիստը հավաքին մեկնել է հիմնական թիմի հետ միասին։
Քննարկեք նորությունները!
Անցնել մեկնաբանություններին ↓
Comments
0