Մամիկոն Խաչատրյանն ու Համլետ Մանուկյանը մտել են Մոսկվայի մրցաշարի եզրափակիչ

Մոսկվայում շարունակվում է սպորտային մարմնամարզության միջազգային մրցաշարը՝ «Ամենաուժեղ մարզիկների գավաթը»։ Եվրոպայի փոխչեմպիոն Մամիկոն Խաչատրյանն ու Եվրոպայի չեմպիոն Համլետ Մանուկյանը, հանդես գալով միայն նժույգում, վստահորեն հաղթահարեցին որակավորման փուլը և մտան եզրափակիչ։

Երկու մարզիկներն էլ մրցեցին միայն այս վարժության մեջ, սակայն գրավեցին առաջին երկու տեղերը՝ առաջ անցնելով Ղազախստանի և այլ երկրների ներկայացուցիչներից։

Որակավորում, նժույգ (տղամարդիկ)

• Մամիկոն Խաչատրյան (Հայաստան) — 14.800

• Համլետ Մանուկյան (Հայաստան) — 14.733

• Զայնուլա Իդրիսով (Ղազախստան) — 14.233

Նժույգի եզրափակիչը կկայանա հուլիսի 5-ին։

Իսկ հուլիսի 3-ին կայացան բազմամարտի եզրափակիչները։ Տղամարդկանց մրցման ոսկին և արծաթը մնացին տանտերերի՝ ռուս մարմնամարզիկների մոտ։ Հաղթեց Դանիիլ Նովիկովը, երկրորդը դարձավ Ալեքսանդր Կարցևը։ Երրորդ տեղը զբաղեցրեց թուրք Վոլքան Արդա Համարաթը։

Բազմամարտ (տղամարդիկ)

• Դանիիլ Նովիկով (Ռուսաստան)

• Ալեքսանդր Կարցև (Ռուսաստան)

• Վոլքան Արդա Համարաթ (Թուրքիա)

Ջունիորների շրջանում գրեթե ամբողջ պատվո հարթակը զբաղեցրին ռուսները։ Հաղթեց Արսենի Դուխնոն, երկրորդը դարձավ Տիմոֆեյ Ակինշինը, իսկ բրոնզը բաժին հասավ Բելառուսի ներկայացուցիչ Դենիս Ստարավոյտովին։

Բազմամարտ (ջունիորներ)

• Արսենի Դուխնո (Ռուսաստան)

• Տիմոֆեյ Ակինշին (Ռուսաստան)

• Դենիս Ստարավոյտով (Բելառուս)