Մագոմեդ Անկալաևը՝ UFC-ի նոր չեմպիոնը. UFC 313 մրցաշարի արդյունքները

Մարտի 9-ին Լաս Վեգասում տեղի ունեցավ UFC 313 մեծ մրցաշարը, որի գլխավոր մենամարտում ռուս մարտիկ Մագոմեդ Անկալաևը հաղթեց կիսածանր քաշային կարգի գործող չեմպիոն Ալեքս Պերեյրային և նվաճեց չեմպիոնական գոտին։

Գլխավոր մենամարտ

Անկալաևի և Պերեյրայի միջև մենամարտը տևեց ամբողջ հինգ ռաունդը և ավարտվեց ռուս մարտիկի հաղթանակով՝ միաձայն որոշմամբ։ Դատավորների գնահատականները՝ 49-46, 48-47, 48-47՝ Անկալաևի օգտին։

Մենամարտը բավականին հավասար էր՝ առանց մեծ վտանգավոր պահերի։ Պերեյրան կարողացավ վերցնել առաջին և վերջին ռաունդները, սակայն Անկալաևն ամբողջությամբ գերիշխեց երկրորդ, երրորդ և չորրորդ ռաունդներում, ինչը նրան հաղթանակ բերեց։ Ռուս մարտիկի հաջողության հիմնական գործոնը նրա ակտիվությունն ու մենամարտի վերահսկողությունն էր։

Համատեղ գլխավոր մենամարտ

Երեկոյի համատեղ գլխավոր մենամարտում տեղի ունեցավ երկար սպասված ռևանշը Ջասթին Գեթժիի և Ռաֆայել Ֆիզիևի միջև։ Գեթժին կրկին ապացուցեց իր գերազանցությունը՝ հաղթելով միաձայն որոշմամբ (29-28, 29-28, 29-28)։

UFC 313-ի մնացած մենամարտերի արդյունքները

• Իգնասիո Բահամոնդեսը հաղթեց Ջեյլին Թյորներին խեղդող հնարքով (եռանկյուն) – (1-ին ռաունդ, 2:29):
• Ամանդա Լեմոսը միաձայն որոշմամբ հաղթեց Յասմին Լուսինդոյին (29-28, 29-28, 29-28):
• Մաուրիսիո Ռուֆին նոկաուտով հաղթեց Քինգ Գրինին (1-ին ռաունդ, 2:07):
• Ջոշուա Վանը միաձայն որոշմամբ հաղթեց Ռեյ Ցուրուին (30-27, 30-27, 30-27):
• Բրունո Ֆերեյրան հաղթեց Արմեն Պետրոսյանին ձեռքի լոքով (արմբար) – (2-րդ ռաունդ, 4:27):
• Կարլոս Լեալ Միրանդան տեխնիկական նոկաուտով հաղթեց Ալեքս Մորոնոյին (1-ին ռաունդ, 4:16):
• Մայրոն Սանտոսը բաժանված որոշմամբ հաղթեց Ֆրենսիս Մարշալին (30-27, 29-28, 29-28):
• Օսման Դիասը միաձայն որոշմամբ հաղթեց Ջորդեն Սանտոսին (29-28, 29-28, 29-28):