Լուկաս Զելարայանը միացավ Հայաստանի ազգային հավաքականին

Սեպտեմբերի 3-ին Հայաստանի ազգային հավաքականի ճամբար ժամանեց վերջին հրավիրված ֆուտբոլիստը՝ Լուկաս Զելարայանը։

Արգենտինական «Բելգրանոյի» ավագը չորեքշաբթի առավոտյան հասավ Երևան և արդեն սկսել է մարզումները Եղիշե Մելիքյանի ղեկավարությամբ։

Հիշեցնենք, որ նախորդ երկու ցիկլերում Զելարայանը չէր մասնակցել հավաքականի հանդիպումներին․ նա բաց թողեց Ազգերի լիգայի խաղերը Վրաստանի դեմ, ինչպես նաև ընկերական հանդիպումները Մոնտենեգրոյի և Կոսովոյի հետ հունիսին։ Այժմ ազգային թիմի առաջատարներից մեկը կրկին պատրաստ է օգնել Հայաստանի հավաքականին։

Հայաստանը շարունակում է նախապատրաստությունը ԱԱ-2026-ի ընտրական խաղերին․ սեպտեմբերի 6-ին թիմը կընդունի Պորտուգալիային, իսկ սեպտեմբերի 9-ին կխաղա Իռլանդիայի դեմ։