Չեմպիոնների լիգա. «Նոա» – «Բուդուչնոստ» հանդիպման նախախաղային վերլուծություն Աբովյանում

Հուլիսի 8-ին, Երևանի ժամանակով 20:00-ին, Աբովյան քաղաքում կկայանա Չեմպիոնների լիգայի որակավորման առաջին փուլի հանդիպումը՝ «Նոա» (Հայաստան) – «Բուդուչնոստ» (Չեռնոգորիա):

Հանդիպման մասին տեղեկություն

• Սկիզբի ժամ՝ 20:00 (Երևանի ժամանակով)

• Վայրը՝ Աբովյանի քաղաքային մարզադաշտ (տարողունակություն՝ 3,500 հանդիսատես)

• Գլխավոր մրցավար՝ Վոլեն Չինկով (Բուլղարիա)

• VAR՝ գլխավոր վիդեոօգնական՝ Նիկոլա Պոպով (Բուլղարիա)

• Ուղիղ հեռարձակում՝ Հայաստանում հանդիպումը կցուցադրի Հայաստանի հանրային հեռուստատեսությունը (H1), իսկ հեռարձակումը հասանելի կլինի նաև մեր Telegram-ալիքում։

Դուելի ֆավորիտը

Բուքմեյքերների կարծիքով, «Նոան» հստակ ֆավորիտն է առաջիկա հանդիպման համար։ Հայկական թիմի հաղթանակի գործակիցը մոտ 1.3 է, մինչդեռ «Բուդուչնոստ»-ի հաջողությունը գնահատվում է 8.1-ից բարձր։

Թիմերի եվրոպական փորձը

«Բուդուչնոստը» 7-ակի Չեռնոգորիայի չեմպիոն է և սա նրա 7-րդ ելույթն է ՉԼ որակավորման փուլերում։ Այնուամենայնիվ, թիմը երբեք չի հաղթահարել Չեմպիոնների լիգայի առաջին որակավորման փուլի արգելքը։ Որոշ հաջողություններ ունեցել է Եվրոպայի լիգայի և Կոնֆերենցիաների լիգայի որակավորման փուլերում։ Ամենաբարձր նվաճումը՝ Եվրոպայի լիգայի երրորդ որակավորման փուլ 2010 և 2020 թվականներին։

Անցած մրցաշրջանում «Բուդուչնոստը» Կոնֆերենցիաների լիգայում հաղթեց «Մալիշևային» (Կոսովո), բայց լրացուցիչ ժամանակում պարտվեց բուլղարական «ՑՍԿԱ 1948»-ին։

«Նոան» առաջին անգամ դարձավ Հայաստանի չեմպիոն և մասնակցելու է Չեմպիոնների լիգայի որակավորման փուլին։ Անցած մրցաշրջանում թիմը հաղթահարեց Կոնֆերենցիաների լիգայի բոլոր չորս փուլերը և հասավ խմբային փուլ։ Այժմ, խորվաթ Սանդրո Պերկովիչի ղեկավարությամբ, թիմը նոր նպատակներ ունի։

Մարզչական փոփոխություններ

Թե՛ «Նոան», և թե՛ «Բուդուչնոստը» փոխել են գլխավոր մարզիչներին այս ամառ՝ չնայած չեմպիոնական կարգավիճակին։

«Նոայի» գլխավոր մարզիչ Ռույ Մոտան լքեց թիմը սեփական նախաձեռնությամբ և տեղափոխվեց բուլղարական «Լուդոգորեց»։ Նրան փոխարինեց Սանդրո Պերկովիչը, ով նախկինում եղել է Ֆաբիո Կանավարոյի օգնականը «Դինամո Զագրեբ»-ում, իսկ մրցաշրջանի ավարտին կատարել է գլխավոր մարզչի պարտականությունները։

Պերկովիչի հետ ամբողջությամբ թարմացվել է նաև մարզչական շտաբը։

«Բուդուչնոստում» նախկին մարզիչ Իվան Բրնովիչը հեռացավ պատրաստականության ընթացքում։ Նրան փոխարինեց 47-ամյա սերբ մասնագետ Նենադ Լալատովիչը, ով հայտնի է իր աշխատանքով «Չուկարիչկի»-ում և «Վոյվոդինա»-ում։ Մնացած մարզչական շտաբը մնացել է անփոփոխ։

«Նոայի» գլխավոր մարզչի խոսքը

«Նոայի» նպատակը միշտ էլ ամենաբարձրն է, բայց պետք է շարժվել քայլ առ քայլ։ Այժմ մեր ամբողջ ուշադրությունը կենտրոնացած է «Բուդուչնոստ»-ի դեմ առաջին խաղի վրա։ Չեմպիոնների լիգան աշխարհի լավագույն մրցաշարն է, և մենք պետք է լավ պատրաստվենք վաղվա խաղին։ Վստահ եմ՝ մենք պատրաստ ենք», — ասաց Սանդրո Պերկովիչը։

Ամառային տրանսֆերներ

«Նոա»՝ համալրումներ

• Տակուտո Օշիմա (€500,000, «Ունիվերսիտատեա Կրայովա», Ռումինիա, TM — €1.2 մլն)

• Հովհաննես Հարությունյան (€200,000, Հայաստանի հավաքականի կիսապաշտպան, TM — €350,000)

• Ազատ գործակալներ. խորվաթ վինգերներ՝ Միլոշ Յակոլիշ (TM — €1 մլն), Ալեն Գրգիչ (€600,000)

• Կողային պաշտպաններ՝ Էրիկ Բոակիե (€700,000), Դավիդ Սուալեխե (€300,000)

Կորուստներ

• Բրունո Ալմեյդա (վարձակալությունն ավարտվել է; 4 գոլ, 8 գոլային փոխանցում)

• Երալդո Չինարի (16 գոլ, 10 գոլային փոխանցում)

«Բուդուչնոստ»՝ համալրումներ

• Լեոնել Ստրումիա, 32-ամյա արգենտինացի Կիպրոսի ԱԵԼ-ից

• Միլան Վուսուրովիչ, 30-ամյա վինգեր

• Միոմիր Ջուրիչկովիչ, 27-ամյա պաշտպան Ուզբեկստանի առաջնությունից

Կորուստներ

• Անդրեյ Կոստիչ՝ տեղափոխվել է «Պարտիզան» (Բելգրադ)՝ €900,000

• Անդրիյա Բուլատովիչ՝ տեղափոխվել է «Լանս» (Ֆրանսիա)՝ €2 մլն

Հիշեցնենք՝ Բուլատովիչը գոլի հեղինակ էր Հայաստանի դեմ խաղում (2025 թ․ հունիսի 9, 2:2)

Չնայած կորուստներին՝ թիմը պահպանել է իր փորձառու միջուկը։

«Բուդուչնոստ»-ի կազմի վերլուծություն

«Նոայի» կազմն ու տրանսֆերները մենք արդեն վերլուծել ենք։ Այստեղ կենտրոնանում ենք «Բուդուչնոստ»-ի ներկայիս վիճակի վրա։

Գործող հավաքականի ֆուտբոլիստ՝

• Օգնյեն Գաշևիչ, 23 տարեկան, 2 հանդիպում՝ Չեռնոգորիայի հավաքականում։ Չմասնակցեց հունիսին Հայաստանի դեմ խաղին, սակայն երկու անգամ խաղացել է Հայաստանի Մ21 հավաքականի դեմ՝ 0:0 և 1:0 (2023, 2024)։

Նախկինում հավաքական հրավիրվածներ՝

• Միլան Միյատովիչ (դարպասապահ, 40 խաղ)

• Իգոր Իվանովիչ (վինգեր, 11 խաղ)

• Պետար Գրբիչ (վինգեր, 7 խաղ)

• Լուկա Մարկովիչ (կիսապաշտպան, 4 խաղ)

• Վլադան Ադժիչ, Դրագան Գրիվիչ (պաշտպաններ, 1-ական խաղ)

Թիմի ուժեղ կողմերը

Թիմը տարբերվում է բարձրահասակ ֆուտբոլիստների մեծ թվով (187 սմ և ավելի):
Հարձակման և կիսապաշտպանության գծում՝

• Իվան Բուլատովիչ (190 սմ)

• Պետար Գրբիչ (188 սմ)

• Իվան Բոյովիչ (189 սմ)

• Նեդելյկո Պիշչևիչ (191 սմ)
  Բոլոր կենտրոնական պաշտպաններն էլ մոտ 190 սմ են։

Համեմատության համար՝ «Նոայում» կենտրոնական պաշտպաններից միայն երեքն ու նորեկ Ալեն Գրգիչն են ավելի բարձր, քան 185 սմ։

Եզրակացություն․ ստանդարտները և երկրորդ հարկում պայքարը կարող են դառնալ չեռնոգորացիների հիմնական զենքը։

Ամենաթանկարժեք խաղացողը՝ Օգնյեն Գաշևիչ (€500,000)
Թիմի առաջնորդ՝ 36-ամյա ավագ Պետար Գրբիչ, խաղացել է «Օլիմպիակոսում», «Պարտիզանում» և Թուրքիայի սուպերլիգայում (պիկ արժեքը՝ €1 մլն)

«Բուդուչնոստը» հայտնի է իր երիտասարդ տաղանդներով, որոնք վաղ հասակում կարողանում են փայլել և վաճառվել լավ գներով։ Վերջին տարիների օրինակներ՝

• Վասիլիե Ադժիչ՝ «Յուվենտուս»՝ €5.3 մլն

• Անդրիյա Բուլատովիչ՝ «Լանս»՝ €2 մլն

• Անդրեյ Կոստիչ՝ «Պարտիզան»՝ €0.9 մլն

Նույնը կարող է կրկնվել նաև «Նոայի» դեմ խաղում։ Ուշադրության արժանի են՝

• Լազար Սավովիչ, 17-ամյա կիսապաշտպան՝ 25 խաղ, 3 գոլ, 1 փոխանցում

• Անդրեյ Կամաջ, 19-ամյա վինգեր՝ 10 խաղ, 3 գոլ

Սկանդալ խաղից առաջ

Հաղորդվում է, որ «Նոայի» մրցակիցը գտնվում է նախաքննության փուլում Չեմպիոնների լիգայի խաղից առաջ։

Հավանական կազմեր

Թերևս Սանդրո Պերկովիչը միանգամից դաշտ չի դուրս բերի բոլոր նորեկներին։

«Նոա»՝
Օգնեն Չանչարևիչ — Հովհաննես Համբարձումյան, Ներմին Զոլոտիչ, Գոնսալու Սիլվա, Դավիդ Սուալեխե — Տակուտո Օշիմա, Յան Էտեկի — Իմրան Օուլադ Օմար, Էլդեր Ֆերեյրա, Վիրջիլ Պինսոն — Գոնսալու Գրեգորիու

«Բուդուչնոստ»՝
Միլան Միյատովիչ — Դրագան Գրիվիչ, Ադնան Օրահովաց, Իլյա Սերիկով, Օգնյեն Գաշևիչ — Նեդելյկո Պիշչևիչ, Լեոնել Ստրումիա — Իվան Բոյովիչ, Պետար Գրբիչ, Մարկո Միրիցկովիչ — Իվան Բուլատովիչ

Քանի որ երկու մարզիչների համար էլ սա կլինի առաջին պաշտոնական հանդիպումը, մարտավարական սխեմաները կանխատեսելը դժվար է։ Բայց հենց սա է, որ խաղն ավելի ինտրիգային է դարձնում։