«Լիդս Յունայթեդ»-ը կրկին հետաքրքրվել է Էդուարդ Սպերցյանով

«Լիդս Յունայթեդ»-ը վերադարձել է Հայաստանի ազգային հավաքականի և «Կրասնոդարի» կիսապաշտպան Էդուարդ Սպերցյանի թեկնածությանը։ Այս մասին հայտնում է New York Times-ի լրագրող Դեյվիդ Օրնշտեյնը։

Սկզբում ակումբը նախատեսում էր ձեռք բերել Ֆակունդո Բուոնանոտտեին, սակայն ֆուտբոլիստը հայտնվեց «Չելսի»-ի հետաքրքրությունների դաշտում․ լոնդոնյան ակումբը նրան դիտարկում է որպես Քրիստոֆեր Նկունկուի փոխարինող։ Հիշեցնենք, որ ֆրանսիացի կիսապաշտպանը այս ամառ տեղափոխվեց «Միլան»։

Աղբյուրի տեղեկություններով՝ բացի Սպերցյանից, «Լիդս»-ը դիտարկում է նաև հարձակողական գծի ուժեղացման այլ տարբերակներ․ Բիլալ Էլ Հանուս («Լեսթեր»), Դիլան Բակվա («Ստրասբուր») և Մանոր Սոլոմոն («Տոտենհեմ»)։

Ավելի վաղ հաղորդել էինք, որ «Լիդս»-ը հետաքրքրված էր Սպերցյանով դեռևս ամառային տրանսֆերային պատուհանի սկզբում։