Չեմպիոնշիփի առաջատարը ցանկանում է գնել Էդուարդ Սպերցյանին

Չեմպիոնշիփի առաջատար «Լիդսը» հետաքրքրված է «Կրասնոդարի» կիսապաշտպան Էդուարդ Սպերցյանով։ «Լիդսը» պատրաստ է առաջարկ ներկայացնել 24-ամյա հարձակողական կիսապաշտպանին, հայտնում է ինսայդեր Կարպը։

«Սպիտակաղավների» գլխավոր մարզիչ Դանիել Ֆարկեն ծանոթ է Սպերցյանի հետ՝ «Կրասնոդարում» ունեցած համատեղ աշխատանքի շնորհիվ և անձամբ հետաքրքրված է նրա տրանսֆերով։ Այն բանից հետո, երբ «Սանդերլենդը» ձեռք բերեց Վիլսոն Իզիդորին «Զենիթից», ՌՊԼ-ից Անգլիա ֆուտբոլիստների տեղափոխություններն ավելի հեշտացել են․ վճարումները այլևս չեն արգելափակվում ֆեդերացիայի կողմից։

Ընթացիկ մրցաշրջանում Սպերցյանը «Կրասնոդարի» կազմում անցկացրել է 25 հանդիպում՝ խփելով 6 գոլ և կատարելով 3 գոլային փոխանցում։ Բացի այդ, նա երկու անգամ աչքի է ընկել Հայաստանի հավաքականի կազմում Ազգերի լիգայում՝ գրավելով Լատվիայի դարպասը։

«Լիդսը» ակտիվորեն հետևում է իրավիճակին և կարող է շուտով պաշտոնական առաջարկով դիմել։