«Լեգիան» և «Լուդոգորեցը» ոչ-ոքի ավարտեցին հանդիպումը. Վահան Բիչախչյանը մեկնարկային կազմում էր
- Հեղինակ: Vahe Hakobyan
- Sportaran
Հունիսի 25-ին Վարշավայի «Լեգիան» Ավստրիայում ընթացող նախամրցաշրջանային հավաքների շրջանակում անցկացրեց երկրորդ ստուգողական հանդիպումը։ Լեհաստանի գավաթակիրի մրցակիցը Բուլղարիայի չեմպիոն «Լուդոգորեցն» էր, որի գլխավոր մարզիչն այժմ պորտուգալացի Ռույ Մոտան է՝ Երևանի «Նոայի» նախկին մարզիչը։
Հանդիպումն ավարտվեց արդյունավետ ոչ-ոքիով՝ 2։2 հաշվով։
Հայաստանի ազգային հավաքականի կիսապաշտպան Վահան Բիչախչյանը ընդգրկված էր լեհական թիմի մեկնարկային կազմում և խաղադաշտում անցկացրեց 61 րոպե։
«Լեգիան» շարունակում է նախապատրաստվել եվրագավաթներին։ Եվրոպայի լիգայի որակավորման առաջին փուլում վարշավացիները մրցելու են Ղազախստանի «Ակտոբեի» հետ։
Քննարկեք նորությունները!
Անցնել մեկնաբանություններին ↓
Comments
0