Լեգենդար Ջորջիո Պետրոսյանը հրաժեշտի մենամարտ կանցկացնի Միլանում

Լեգենդար քիքբոքսեր Ջորջիո Պետրոսյանը (108-3-2; 2 NC) հայտարարել է իր վերջին մենամարտի մասին։ Մենամարտը կկայանա նոյեմբերի 22-ին՝ Միլանում, PetrosyanMania մրցաշարի շրջանակում։ Հայ մարզիկի մրցակիցը կլինի բրազիլացի Ժոզե Սոուզան։

Մենամարտը կանցկացվի K-1 կանոններով և բաղկացած կլինի երեք ռաունդից՝ յուրաքանչյուրը երեք րոպե տևողությամբ։

Գևորգ Պետրոսյանը, ով աշխարհին առավել հայտնի է Ջորջիո անունով, իր կարիերայի ընթացքում դարձել է քիքբոքսինգի պատմության ամենավառ դեմքերից մեկը։ Նա երկու անգամ նվաճել է K-1 Grand Prix տիտղոսը, դարձել է Glory, ONE Championship և Bellator Kickboxing կազմակերպությունների չեմպիոն, ինչպես նաև բազմաթիվ այլ հեղինակավոր տիտղոսների դափնեկիր։

Սոուզայի դեմ մենամարտը կդառնա լեգենդար հայ մարզիկի փայլուն կարիերայի վերջին էջը՝ հավերժ ամրագրվելով համաշխարհային քիքբոքսինգի պատմության մեջ։