Լաշա Տալախաձեն ընտրվել է Վրաստանի ծանրամարտի ֆեդերացիայի նախագահ

Լեգենդար ծանրորդ Լաշա Տալախաձեն դարձել է Վրաստանի ծանրամարտի ֆեդերացիայի նոր նախագահ։ Թբիլիսիում կայացած ընտրական համագումարում նրա թեկնածությունը միաձայն աջակցություն է ստացել բոլոր 55 պատվիրակների կողմից։

Տալախաձեն, ում համարում են ծանրամարտի պատմության մեծագույն մարզիկներից մեկը, Փարիզ-2024 Օլիմպիական խաղերում նվաճել է իր երրորդ օլիմպիական ոսկին՝ մինչ այդ դառնալով Ռիո-2016-ի և Տոկիո-2020-ի չեմպիոն։ Նրա ակտիվում կա նաև աշխարհի յոթ չեմպիոնական տիտղոս և նույնքան Եվրոպայի առաջնության հաղթանակ։

Ֆեդերացիայի նոր ղեկավարը սուպերծանր քաշային կարգում աշխարհի ռեկորդակիր է։ Նա այս պաշտոնում փոխարինել է ոչ պակաս մեծանուն մարզիկի՝ եռակի օլիմպիական չեմպիոն Կախի Կախիաշվիլիին, ով կազմակերպությունն առաջնորդել է տասը տարի։

Չնայած նախագահի պաշտոնից հեռանալուն՝ Կախիաշվիլին կշարունակի ղեկավար կազմում զբաղեցնել փոխնախագահի պաշտոնը։ Նրա հետ միասին փոխնախագահներ են դարձել նաև Ռիո-2016-ի բրոնզե մեդալակիր Իրակլի Տուրմանիշվիլին և Նոդար Սիրբիլաշվիլին։ Ռուսուդանի Մուրադաշվիլին կշարունակի աշխատել որպես գլխավոր քարտուղար։

Լաշա Տալախաձեն դադարեցրել է իր մարզական կարիերան և այս պահին նաև Վրաստանի պետական դումայի անդամ է։