Լամին Յամալը կորցրել է անձնագիրը Թուրքիային խոշոր հաշվով հաղթելուց հետո

Իսպանիայի հավաքականի 18-ամյա վինգեր Լամին Յամալը հայտնվել է անսովոր իրավիճակում ԱԱ-2026-ի որակավորման Թուրքիայի հետ հանդիպումից հետո։

Ըստ Beyaz Futbol-ի, ֆուտբոլիստը երկար ժամանակ փնտրել է իր անձնագիրը, նույնիսկ վերադարձել է հանդերձարան, սակայն չի կարողացել գտնել այն։ Դեպքի տեսագրությունը արագ տարածվել է սոցիալական ցանցերում։ Ամբողջ թիմը ավելի քան մեկ ժամ սպասել է, մինչ «Բարսելոնայի» աստղը փորձում էր գտնել փաստաթուղթը, սակայն ավտոբուսը մեկնել է Յամալի հետ՝ առանց անձնագրի։ Առայժմ անհայտ է, թե ինչպես է իսպանացին կարողանալու լքել Թուրքիան առանց փաստաթղթի։

Չնայած այս աննախադեպ դրվագին՝ խաղը դարձել է իսկական տոն Իսպանիայի համար։ Կոնյայում Լուիս դե լա Ֆուենտեի թիմը 6:0 հաշվով ջախջախել է մրցակցին։ Հեթ-տրիկի հեղինակ է դարձել Միկել Մերինոն, երկու գոլի հեղինակ՝ Պեդրին, մեկ անգամ էլ աչքի է ընկել Ֆերրան Տորրեսը։

Լամին Յամալը նույնպես մեծ ներդրում է ունեցել հաղթանակում՝ կատարելով երկու գոլային փոխանցում։