Թախտիի Գավաթ 2025՝ ազատ ոճի ըմբշամարտում. մրցաշարի բոլոր արդյունքները

Մայիսի 9-ին Իրանի Իսֆահան քաղաքում կայացավ ազատ ոճի ըմբշամարտի միջազգային մրցաշարի՝ Թախտիի Գավաթ 2025-ի երկրորդ և եզրափակիչ օրը։ Մրցաշարին մասնակցեցին ըմբիշներ Հայաստանից, Իրանից, Ռուսաստանից, Աֆղանստանից, Հնդկաստանից, Իրաքից, Ղրղզստանից, Թուրքիայից, Նիդերլանդներից և Տաջիկստանից։

Մրցաշարի երկրորդ օրը խաղարկվեցին վերջին հինգ քաշային կարգերի մեդալները՝ 61, 70, 74, 92 և 125 կգ։

Մինչև 61 կգ քաշային կարգում մրցաշարը նման էր Հայաստանի փոքր առաջնության. այս քաշային կարգում հանդես եկան միանգամից 5 հայ ըմբիշներ։ Ամենահեռուն հասավ Հայաստանի ազգային հավաքականի ներկայացուցիչ Մանվել Խնձրցյանը. նա երեք հաղթանակ տարավ իրանցի և իրաքցի ըմբիշների նկատմամբ, բայց պարտվեց կիսաեզրափակիչում։ Բրոնզե մեդալի համար գոտեմարտում Խնձրցյանը 4:3 հաշվով հաղթեց իրանցի Էրզան Ջաֆարիին և դարձավ բրոնզե մեդալակիր՝ միակ մեդալակիրը Հայաստանի հավաքականի կազմում։

Ընդհանուր թիմային հաշվարկով Հայաստանի հավաքականը Թախտիի Գավաթ 2025-ում զբաղեցրեց երրորդ տեղը։ Առաջին տեղը գրավեց Իրանի հավաքականը, երկրորդը՝ Ղրղզստանի։

Թախտիի Գավաթ 2025-ի հաղթողները և մրցանակակիրները

57 կգ՝

1. Ալի Մոմենի Ջոջադե (Իրան)

2. Միլադ Վալիզադե (Իրան)

3. Աբդիմալիք Կարաչով (Ղրղզստան) և Ալի Յահյապուր (Իրան)

61 կգ՝

1. Ալմազ Ուուլու Բեկզատ (Ղրղզստան)

2. Ռեզա Մոմենի (Իրան)

3. Մանվել Խնձրցյան (Հայաստան) և Ալի Գոլիզադեգան (Իրան)
   5-րդ տեղ՝ Հարություն Հովհաննիսյան (Հայաստան)
   9-րդ տեղ՝ Լեւիկ Միքայելյան (Հայաստան)
   9-րդ տեղ՝ Էրիկ Հայրիկյան (Հայաստան)
   12-րդ տեղ՝ Մեժլում Մեժլումյան (Հայաստան)

65 կգ՝

1. Ջասկարան Սինգհ (Հնդկաստան)

2. Յասին Ռեզաի (Իրան)

3. Փեյման Նեմաթի (Իրան) և Իկրոմջոն Խաջիմուրոդով (Ղրղզստան)
   9-րդ տեղ՝ Անդրանիկ Ավետիսյան (Հայաստան)
   12-րդ տեղ՝ Ռաֆֆի Արտաշյան (Հայաստան)

70 կգ՝

1. Դալգաթ Աբդուլկադիրով (Ռուսաստան)

2. Մոհամմադալի Ամուզադե (Իրան)

3. Էբրահիմ Էլահի (Իրան) և Ալիաքբար Ֆազլի (Իրան)
   12-րդ տեղ՝ Տիգրան Զազարյան (Հայաստան)

74 կգ՝

1. Ամիր Յազդանի (Իրան)

2. Յունես Էմամի (Իրան)

3. Մոհամմադ Բախշի (Իրան) և Հոսեյն Աբոզարի (Իրան)
   12-րդ տեղ՝ Հրայր Ալիխանյան (Հայաստան)
   12-րդ տեղ՝ Անուշավան Բարսեղյան (Հայաստան)

79 կգ՝

1. Ֆարիբորզ Բաբաեի (Իրան)

2. Մեհդի Յոսեֆի (Իրան)

3. Ալիռեզա Քարիմի (Իրան) և Էրզան Էլահի (Իրան)

86 կգ՝

1. Աբոլֆազլ Ռահմանի (Իրան)

2. Ամիրհոսեյն Քավոսի (Իրան)

3. Բեկզատ Ռահիմով (Ղրղզստան) և Ռեզա Սոլեյմանյան (Իրան)
   12-րդ տեղ՝ Արեն Իսրայելյան (Հայաստան)

92 կգ՝

1. Մոհամմադ Ազիմի (Իրան)

2. Բեհնամ Սարեի (Իրան)

3. Տոհիդ Նուրի (Իրան) և Աբդուլլա Արկան Սամիր (Իրաք)
   7-րդ տեղ՝ Մուշեղ Մկրտչյան (Հայաստան)

97 կգ՝

1. Ահմադ Բազրի (Իրան)

2. Աբոլֆազլ Բաբալո (Իրան)

3. Մոջթաբա Գոլեաջի (Իրան) և Արաշք Մոհեբի (Իրան)
   5-րդ տեղ՝ Սերգեյ Սարգսյան (Հայաստան)

125 կգ՝

1. Ամիրհոսեյն Զարե (Իրան)

2. Ամիրեզզա Մասումի (Իրան)

3. Մոհամմադռեզա Լոթֆի (Իրան) և Աբոլֆազլ Մոհամմադնեջադ (Իրան)
   7-րդ տեղ՝ Խաչատուր Խաչատրյան (Հայաստան)
   7-րդ տեղ՝ Լյովա Գեւորգյան (Հայաստան)