Ով է արժանի «Ոսկե գնդակ»-ին․ Լամին Յամալը գլխավորել է CIES-ի վարկանիշը, Մխիթարյանը՝ լավագույն 100-ի մեջ

Այսօր, սեպտեմբերի 22-ին, Մոսկվայի ժամանակով 22:00-ին տեղի կունենա «Ոսկե գնդակ»-ի հանձնման արարողությունը։ Մինչ սպասվում է պաշտոնական հաղթողը՝ Միջազգային սպորտային հետազոտությունների կենտրոնը (CIES Football Observatory) հրապարակել է աշխարհի վերջին տարվա լավագույն 100 ֆուտբոլիստների վարկանիշը՝ կազմված վիճակագրական վերլուծության հիման վրա։

Առաջին հորիզոնականը զբաղեցրել է «Բարսելոնայի» տաղանդաշատ երիտասարդը՝ Լամին Յամալը, շրջանցելով Կիլիան Մբապպեին («Ռեալ Մադրիդ») և իր թիմակից Պեդրիին։ Լավագույն կենտրոնական պաշտպան է ճանաչվել Վիրջիլ վան Դեյքը (4-րդ տեղ), իսկ եզրային պաշտպանների թվում առաջատար է համարվել Աշրաֆ Հակիմին «ՊՍԺ»-ից (9-րդ տեղ)։ Տասնյակում հայտնվել են նաև Մոհամեդ Սալահն ու Ուսման Դեմբելեն, թեև «Ոսկե գնդակի» իրական մրցավազքում առաջատար են համարվում այլ անուններ։

Հատկանշական է, որ լավագույն 100-ի մեջ է նաև Միլանի «Ինտերի» հայ կիսապաշտպան Հենրիխ Մխիթարյանը։ 89․8 ինդեքսով նա տեղ է գրավել ցուցակի միջնամասում՝ շրջանցելով իր թիմակիցներին՝ Լաուտարո Մարտինեսին, Հական Չալհանօղլուին և Ալեսանդրո Բաստոնիին, սակայն զիջել է Նիկոլո Բարելլային։

Հետազոտության մեջ նշվում է, որ վարկանիշում ամենափորձառու ֆուտբոլիստներն են Վիրջիլ վան Դեյքը, Լուկա Մոդրիչը և Լիոնել Մեսսին, իսկ ամենաերիտասարդները՝ Լամին Յամալը, Պաո Կուբարսին և Դեզիրե Դուեն։ Ըստ խաղային մաքուր ցուցանիշների՝ առաջատար եռյակը կազմել են Մբապպեն, Յամալը և Մեսսին։

Այսպիսով, CIES-ը ներկայացրել է այլընտրանքային հայացք՝ ընդգծելով ֆուտբոլային ուժերի դասավորությունը և էլ ավելի մեծացնելով հետաքրքրությունը տարվա գլխավոր անհատական մրցանակի հանձնման երեկոյի հանդեպ։

«Ոսկե գնդակ 2025»-ի գլխավոր հավակնորդները․

• Ուսման Դեմբելե («ՊՍԺ»)

• Լամին Յամալ («Բարսելոնա»)

• Վիտինյա («ՊՍԺ»)

• Աշրաֆ Հակիմի («ՊՍԺ»)

• Ռաֆինյա («Բարսելոնա»)

• Մոհամեդ Սալահ («Լիվերպուլ»)

2025-ի լավագույն ֆուտբոլիստները CIES-ի վիճակագրական վարկանիշով․

1. Լամին Յամալ («Բարսելոնա»)

2. Կիլիան Մբապպե («Ռեալ Մադրիդ»)

3. Պեդրի («Բարսելոնա»)

4. Վիրջիլ վան Դեյք («Լիվերպուլ»)

5. Մայքլ Օլիսե («Բավարիա»)

6. Մոհամեդ Սալահ («Լիվերպուլ»)

7. Ուսման Դեմբելե («ՊՍԺ»)

8. Յոզուա Կիմմիխ («Բավարիա»)

9. Աշրաֆ Հակիմի («ՊՍԺ»)

10. Վինիսիուս Ժունիոր («Ռեալ Մադրիդ»)

Ամբողջական ցուցակը։