Քրիստիան Կիվուն կգլխավորի «Ինտերը»․ համաձայնությունը ձեռք է բերվել

«Ինտերի» նախկին պաշտպան Քրիստիան Կիվուն կդառնա միլանցիների նոր գլխավոր մարզիչը։ Այս մասին հայտնում է հեղինակավոր ինսայդեր Ֆաբրիցիո Ռոմանոն։

Աղբյուրի տեղեկատվությամբ՝ Կիվուն արդեն տվել է համաձայնությունը՝ մինչև 2027 թվականի հունիս պայմանագիր ստորագրելու համար՝ տարեկան մոտ 2 միլիոն եվրո աշխատավարձով։ Բանակցությունները ավարտվել են, համաձայնագիրը ստորագրված է — «here we go!»։

Կիվուն լքում է «Պարման», որպեսզի վերադառնա «Ինտեր»՝ արդեն գլխավոր մարզչի կարգավիճակով։ Նշանակումը դարձավ ակտուալ այն բանից հետո, երբ միլանցիները չկարողացան համաձայնության հասնել մյուս թեկնածուի՝ Սեսկ Ֆաբրեգասի հետ։ Իսպանացու հետ բանակցությունները ավարտվել են անարդյունք նույն օրը՝ առավոտյան։

Կիվուի համար սա վերադարձ է հարազատ ակումբ, որտեղ նա անցկացրել է իր խաղային կարիերայի զգալի հատվածը և արդեն աշխատել է երիտասարդական թիմի հետ։