«Կրասնոդարը» դուրս եկավ Ռուսաստանի Գավաթի կիսաեզրափակիչ՝ ջախջախելով «Օրենբուրգին»
- Հեղինակ: Vahe Hakobyan
- Sportaran
Կրասնոդար» ֆուտբոլային ակումբը վստահորեն դուրս եկավ Ռուսաստանի Գավաթի կիսաեզրափակիչ՝ երկրորդ խաղում խոշոր հաշվով հաղթելով «Օրենբուրգին»։ Հանդիպումն ավարտվեց 4:0 հաշվով, իսկ երկու խաղերի ընդհանուր արդյունքը կազմեց 7:1 «ցլերի» օգտին։
Կարևոր դրվագներից մեկը դարձավ Էդուարդ Սպերցյանի խաղընթացքին մասնակցելը։ Հայաստանի ազգային հավաքականի կիսապաշտպանը դաշտ դուրս եկավ 63-րդ րոպեին և անմիջական մասնակցություն ունեցավ չորրորդ գոլին։ Նրա անկյունայինի և մի շարք ռիկոշետների արդյունքում պաշտպան Ժուբալը խփեց իր առաջին գոլը «Կրասնոդարի» կազմում։
«Օրենբուրգի» կազմում հայկական արմատներով կիսապաշտպան Պավել Գորելովը ամբողջ հանդիպման ընթացքում մնաց պահեստայինների նստարանին։
Այս հաղթանակը «Կրասնոդարի» համար հերթական կարևոր քայլն է դեպի մրցաշարի եզրափակիչը, և թիմը շարունակում է պայքարել գավաթի համար վստահ խաղով։
Քննարկեք նորությունները!
Անցնել մեկնաբանություններին ↓
Comments
0