«Կրասնոդարը» տասը հաղթեց «Սպարտակին» և ամրապնդեց իր առաջնորդությունը ՌՊԼ-ում

Ռուսաստանի Պրեմիեր լիգայի 14-րդ տուրի կենտրոնական խաղում «Կրասնոդարը» արտագնա հաղթանակ տարավ Մոսկվայի «Սպարտակի» նկատմամբ՝ 2:1 հաշվով։
18-րդ րոպեին Ալեքսանդր Չերնիկովը բացեց հաշիվը անկյունայինի խաղարկումից հետո, իսկ երկրորդ խաղակեսում «ցուլերը» կրկնապատկեցին առավելությունը․ Ջոն Կորդոբան գրավեց դարպասը՝ Էդուարդ Սպերտսյանի հարվածից հետո, որի գնդակը դիպել էր դարպասաձողին։

Խաղի վերջնամասը շատ լարված անցավ Վլադիմիր Իվիչի թիմի համար։ 88-րդ րոպեին Կորդոբան ստացավ կարմիր քարտ, իսկ ավելացված ժամանակում հեռացվեց նաև Դուգլաս Աուգուստոն։ Թեև «Սպարտակը» ուներ թվային առավելություն, կարողացավ միայն նվազեցնել տարբերությունը․ 90-րդ րոպեին Լիվայա Գարսիան գրավեց դարպասը։

Քարտերի և հեռացումների պատճառով «Կրասնոդարի» չորս խաղացողներ՝ Դիեգո Կոստան, Նիկիտա Կրիվցովը, Ջոն Կորդոբան և Դուգլաս Աուգուստոն, բաց կթողնեն հաջորդ հանդիպումը «Բալտիկայի» դեմ։

Տուրի ավարտին «ցուլերը» շարունակում են գլխավորել առաջնությունը՝ հավաքելով 32 միավոր և երկու միավորով առաջ անցնելով ЦСКА-ից։

Էդուարդ Սպերտսյանը խաղադաշտում անցկացրեց 73 րոպե և դարձավ թիմի ամենակայտնվող խաղացողներից մեկը․
4 հարված դարպասին (1՝ դարպասաձող), 19 ճշգրիտ փոխանցում (66%), 3 բանալի պաս, 3 խլում, 1 որսում, 11 միադեմ մենամարտերից՝ 8 հաղթանակ, SofaScore գնահատական՝ 7․4։

Խաղի լավագույն ֆուտբոլիստ ճանաչվեց Ալեքսանդր Չերնիկովը՝ «ՄԱՏՉ ՊՐԵՄԻԵՐ» ալիքի վարկածով։