«Կրասնոդարը» ոչ-ոքի խաղաց 10 հոգով՝ ընդդեմ ԲԿՄԱ-ի, Սպերցյանը կրկին գոլային փոխանցումով (ՏԵՍԱՆՅՈՒԹ)

Ռուսաստանի Պրեմիեր-Լիգայի 7-րդ տուրում «Կրասնոդարը» 1:1 հաշվով ոչ-ոքի խաղաց ԲԿՄԱ-ի հետ։ 56-րդ րոպեից «ցուլերը» մնացին տասը խաղացողներով, սակայն կարողացան պահել հաշիվը։

Հաշիվը բացեց բանակայինների կիսապաշտպան Մատվեյ Կիսլյակը՝ Իվան Օբլյակովի փոխանցումից հետո։ Բայց արդեն ութ րոպե անց Խոն Կորդոբան վերականգնեց հավասարակշռությունը՝ իր գոլը խփելով Էդուարդ Սպերցյանի ճշգրիտ անկյունահարվածից։

Հայ կիսապաշտպանի համար սա արդեն 12-րդ արդյունավետ գործողությունն է այս մրցաշրջանում («գոլ+պաս» համակարգով)․ 4 գոլ և 8 գոլային փոխանցում։ Սպերցյանը շարունակում է տպավորիչ խաղը։

56-րդ րոպեին խաղը բարդացավ «Կրասնոդարի» համար՝ գոլի հեղինակ Խոն Կորդոբան ստացավ կարմիր քարտ։ Չնայած դրան՝ «ցուլերը» դիմացան և Մոսկվայից բերեցին ոչ-ոքի։

Էդուարդ Սպերցյանի վիճակագրությունը խաղում

• Խաղադաշտում անցկացրած րոպեներ․ 89
• Գոլային փոխանցումներ․ 1
• Ճշգրիտ փոխանցումներ․ 19 (86%)
• Բանալի փոխանցումներ․ 2
• Կենտրոնացումներ․ 2/6
• Երկար փոխանցումներ․ 1/4
• Մենամարտեր հաղթած․ 4/13
• Գնդակի կորուստ․ 16
• Խախտումներ․ 2
• Խախտումներ իր դեմ․ 3
• Հեռացումներ․ 1
• Գնդակազրկումներ․ 1
• SofaScore գնահատական․ 6.7