«Կրասնոդար»-ը պայմանագիր է ստորագրել «Օսերի» նախկին ավագ՝ բրազիլացի Ժուբալի հետ

«Կրասնոդար» ֆուտբոլային ակումբը պաշտոնապես հայտարարել է բրազիլացի կենտրոնական պաշտպան Ժուբալի հետ պայմանագիր ստորագրելու մասին։ 31-ամյա ֆուտբոլիստը միանում է թիմին որպես ազատ գործակալ։ Պայմանագիրը կնքվել է երկու տարով և ուժի մեջ կմտնի հունիսի 1-ից։

Վերջին հինգ տարիներին Ժուբալը հանդես է եկել ֆրանսիական «Օսերի» կազմում, դարձել թիմի ավագ և անցկացրել է 180 հանդիպում՝ խփելով 20 գոլ։ «Կրասնոդար»-ում նա կուժեղացնի գործող ՌԴ չեմպիոնների պաշտպանական գիծը։

«Մեր մոտ նորեկ կա, ցլիկներ։ Բրազիլացի Ժուբալը դառնում է "Կրասնոդարի" ֆուտբոլիստը։ Կենտրոնական պաշտպանը միանում է ակումբին որպես ազատ գործակալ։ Նրա հետ կնքված երկամյա պայմանագիրը ուժի մեջ է մտնում հունիսի 1-ից», — նշված է ակումբի պաշտոնական հայտարարությունում։

Ժուբալը մեկնաբանել է իր միանալը թիմին․
«Ուրախ եմ պայմանագիր ստորագրելու համար "Կրասնոդարի" հետ։ Սա հիանալի ակումբ է՝ հրաշալի ենթակառուցվածքով։ Վստահ եմ, որ միասին մեծ աշխատանք ենք կատարելու։ Ես պատրաստ եմ ինձ ամբողջությամբ նվիրել, որպեսզի թիմը շարունակի հասնել իր նպատակներին»։

Ավելի վաղ ակումբը հայտնել էր, որ երեք ֆուտբոլիստ լքելու են թիմը։