«Կրասնոդարը» հաղթեց «Ռուբինին» և ամրապնդեց առաջատարի դիրքը ՌՊԼ-ում

Ռուսաստանի Պրեմիեր լիգայի 13-րդ տուրում «Կրասնոդարը» սեփական դաշտում նվազագույն հաշվով՝ 1:0, հաղթանակ տարավ Ղազանի «Ռուբինի» նկատմամբ։

Միակ գոլը խաղի 13-րդ րոպեին խփեց Վիկտոր Սան՝ թիմակիցի փոխանցումից հետո։

«Կրասնոդարի» ավագը և Հայաստանի հավաքականի կիսապաշտպան Էդուարդ Սպերցյանը խաղաց ամբողջ 90 րոպե և դարձավ հանդիպման առանցքային ֆուտբոլիստներից մեկը։ Խաղից հետո Սպերցյանը ճանաչվեց հանդիպման լավագույն խաղացող։

Հայաստանի մյուս ֆուտբոլիստը՝ Ուգոչուկվու Իվուն, վնասվածքի պատճառով բաց թողեց հանդիպումը և չէր ընդգրկվել «Ռուբինի» հայտացուցակում։

Հարկ է նշել, որ խաղը տրիբունաներից դիտում էր Հայաստանի ազգային հավաքականի գլխավոր մարզիչ Եղիշե Մելիքյանը, ով հետևում էր իր սաների ելույթներին ՌՊԼ-ում։

Էդուարդ Սպերցյանի վիճակագրությունը՝

• Հարվածներ՝ 2
• Բանալի փոխանցումներ՝ 2
• Ստեղծված գոլային պահեր՝ 1
• Ճշգրիտ փոխանցումներ՝ 36 (82%)
• Հաջող դրիբլինգ՝ 1/1
• Ստացած խախտումներ՝ 2
• Գնդակի կորուստներ՝ 16
• Հաղթած մենապայքարներ՝ 5/7
• SofaScore գնահատական՝ 7.0

Այս հաղթանակի շնորհիվ «Կրասնոդարը» շարունակում է գլխավորել Ռուսաստանի Պրեմիեր լիգայի աղյուսակը՝ երկու միավորով առաջ լինելով «Լոկոմոտիվից»։