Կոնան Արսլանյանը կշարունակի կարիերան Մարսելի հայկական համայնքի թիմում

19-ամյա Հայաստանի երիտասարդական հավաքականի պաշտպան Կոնան Արսլանյանը պայմանագիր է կնքել Մարսելի հայկական համայնքի UGA Ardziv ակումբի հետ, որը հանդես է գալիս Ֆրանսիայի հինգերորդ լիգայում։

Արսլանյանը, որի հասակը 185 սմ է, Մարսելի «Օլիմպիկի» և «Գրենոբլի» ակադեմիաների սան է։ Նախորդ մրցաշրջանը նա անցկացրել է Ֆրանսիայի մինչև 19 տարեկանների առաջնությունում հանդես եկող «Մարինյան» թիմում, որտեղ 12 խաղում խփել է 1 գոլ։

Արսլանյանը Հայաստանի Մ19 հավաքականի կազմում մասնակցել է 4 խաղի։ UGA Ardziv-ում նա կմիանա մի շարք հայ ֆուտբոլիստների, այդ թվում՝ ազգային թիմի նախկին պաշտպան Գաել Անդոնյանին։

Ակումբի պաշտոնական հայտարարության մեջ նշվում է, որ Արսլանյանը «խոստումնալից կենտրոնական պաշտպան» է և պայմանագիր է կնքվել Ֆրանսիայի երիտասարդական լիգաներում հաջող ելույթից հետո։