Կարեն Խաչանովը դուրս եկավ Ուիմբլդոնի 1/8 եզրափակիչ

Կարեն Խաչանովը շարունակում է տպավորել Ուիմբլդոն-2025-ում։ 1/16 եզրափակիչում հայկական արմատներով ռուս թենիսիստը կամային հաղթանակ տարավ պորտուգալացի Նունու Բորժեշի նկատմամբ՝ 7:6 (8:6), 4:6, 4:6, 6:3, 7:6 (10:8)՝ երկրորդ խաղն անընդմեջ անցկացնելով 5 սեթում։

Խաղը տևեց 3 ժամ 51 րոպե և դարձավ իսկական տոկունության փորձություն։ Հինգերորդ սեթում Խաչանովը զիջում էր 2:5 հաշվով, սակայն կարողացավ տպավորիչ վերադարձ կատարել և հաղթել սուպեր թայ-բրեյքում՝ 10:8։ Կարենը խաղի ընթացքում կատարեց 11 էյս, առաջին մատուցումից շահեց միավորների 73%-ը, երկրորդից՝ 67%-ը, և իրացրեց 12 բրեյք-պոյնթից 4-ը։

1/8 եզրափակիչում Խաչանովը կխաղա ATP-ի 109-րդ համար համարվող լեհ Կամիլ Մայխժակի դեմ, ով դարձել է մրցաշարի բացահայտումներից մեկը։ Նրանք նախկինում հանդիպել են երեք անգամ, և բոլոր հանդիպումներում հաղթել է Խաչանովը, այդ թվում՝ վերջինը 2022 թվականին։