Կարեն Խաչանովը՝ Ուիմբլդոնի քառորդ եզրափակիչում

Ռուսաստանցի թենիսիստ, հայազգի Կարեն Խաչանովը վստահ ելույթով մուտք գործեց Ուիմբլդոն 2025-ի լավագույն ութնյակ։ 1/8 եզրափակչում նա երեք սեթում՝ 6:4, 6:2, 6:3 հաշվով, հաղթեց լեհ Կամիլ Մայխշակը։

Խաչանովը խաղադաշտում գերիշխում էր առաջին պահից՝ կատարելով 10 էյս և չգրանցելով ոչ մի կրկնակի սխալ։ Նա առաջին մատուցման ժամանակ հաղթեց միավորների 79%-ը և իրացրեց 10 բրեյք-պոյնթից 6-ը։ Ընդհանուր առմամբ Կարենը վաստակեց 92 միավոր՝ մրցակցի 68-ի դիմաց, և երկու անգամ ավելի շատ գեյմ վերցրեց՝ 18՝ ընդդեմ 9-ի։

Խաչանովի համար սա Ուիմբլդոնի երկրորդ քառորդ եզրափակիչն է կարիերայում։ Հաջորդ փուլում նա կմրցի Թեյլոր Ֆրից – Ջորդան Թոմփսոն հանդիպման հաղթողի հետ։