Կարեն Խաչանովը հաղթել է Նովակ Ջոկովիչին Ուիմբլդոնից առաջ ցուցադրական խաղում

Հայ թենիսիստ Կարեն Խաչանովը հաղթանակ է տարել Ուիմբլդոնի յոթակի չեմպիոն Նովակ Ջոկովիչի նկատմամբ Հերլինգհեմում անցկացված Giorgio Armani Tennis Classic ցուցադրական խաղում։ Խաղը ավարտվեց Խաչանովի հաղթանակով՝ 7:6 (7:4), 6:4։

Մրցավեճը տեւեց 1 ժամ 23 րոպե և բավականին դիտարժան էր։ Առաջին սեթում Ջոկովիչը ուներ սեթ-փոյնթ ընդունելիս՝ 5:4 հաշվով, սակայն Խաչանովը վստահ կերպով փրկեց գեյմը՝ իր մատուցմամբ, ու հասավ թայ-բրեյքի, որտեղ ավելի ճշգրիտ էր՝ օգտագործելով մրցակցի սխալը 11-րդ միավորը խաղալիս։

Երկրորդ սեթում հայ մարզիկը նորից ցուցադրեց հաստատակամություն․ նա փրկեց չորս բրեյք-փոյնթ հինգերորդ գեյմում, ապա՝ 5:4 հաշվով, կատարեց միակ բրեյքը խաղում ու հաղթեց հզոր ընդունմամբ։ Խաչանովը 14 միավոր ավելի է վաստակել, քան Ջոկովիչը և ոչ մի անգամ չի կորցրել իր մատուցումը։

Այժմ Կարեն Խաչանովը պատրաստվում է Ուիմբլդոնին, որտեղ հունիսի 30-ին առաջին շրջանի խաղում կխաղա ամերիկացի Մակքենզի Մակդոնալդի դեմ։