Կարեն Գալստյան — Տաշքենդի Մեծ Սաղավարտի մրցաշարի հաղթող

Ռուսաստանը ներկայացնող Կարեն Գալստյանը (մինչև 73 կգ) հաղթող դարձավ Տաշքենդում կայացած Մեծ Սաղավարտի մրցաշարում։

25-ամյա ձյուդոիստը, որը ծնունդով Բաշկիրիայից է, հաղթեց Ուզբեկստանի երկու ներկայացուցիչներին և մեկ ղրղզ մարզիկի՝ դառնալով մրցաշարի չեմպիոն։

Մինչև 73 կգ քաշային կարգի եզրափակիչը չկայացավ, քանի որ Կարենի մրցակից, ռուսաստանցի Դանիլ Լավրենտևը վնասվածք էր ստացել։

Տեսանյութում՝ Կարեն Գալստյանի հաղթանակը իպպոնով կիսաեզրափակիչում։

Կարեն Գալստյանի համար սա Մեծ Սաղավարտի երկրորդ մեդալն է։ 2024 թվականին նա արծաթե մեդալակիր էր դարձել Թբիլիսիում։