Կարեն Ասլանյանը՝ Եվրոպայի 2025 թվականի հունահռոմեական ըմբշամարտի առաջնության արծաթե մեդալակիր

Հայաստանի հավաքականի ներկայացուցիչ, մինչև 63 կգ քաշային կարգում հանդես եկող Կարեն Ասլանյանը դարձավ Եվրոպայի 2025 թվականի հունահռոմեական ըմբշամարտի առաջնության արծաթե մեդալակիր։

Կարենի համար սա առաջին եզրափակիչն էր Եվրոպայի և աշխարհի առաջնություններում։ Մինչ այդ նա երեք անգամ արժանացել էր Եվրոպայի առաջնության բրոնզե մեդալին և մեկ անգամ՝ աշխարհի առաջնության բրոնզե մեդալին։ Այժմ 29-ամյա ըմբիշը իր հավաքածուին ավելացրեց նաև մայրցամաքային առաջնության արծաթը։

Վճռորոշ գոտեմարտում Ասլանյանը պարտվեց Թուրքիայի ներկայացուցիչ Քերեմ Քամալին, ով այս հաղթանակով դարձավ Եվրոպայի կրկնակի չեմպիոն։ Եզրափակիչ գոտեմարտի արդյունքը քննարկումների տեղիք տվեց վիճելի մրցավարության պատճառով։

Կարեն Ասլանյանի ելույթները Եվրոպայի առաջնությունում՝ 2025

• Քառորդ եզրափակիչ՝ Կարեն Ասլանյան (Հայաստան) - Մայրբեկ Սալիմով (Լեհաստան)՝ 8-0

• Կիսաեզրափակիչ՝ Կարեն Ասլանյան (Հայաստան) - Անդրեյ Սեմենչուկ (Ուկրաինա)՝ 8-0

• Եզրափակիչ՝ Կարեն Ասլանյան (Հայաստան) - Քերեմ Քամալ (Թուրքիա) 2-7.