Անդրե Սփայթ-Մկրտչյանը շարունակելու է իր կարիերան Վենեսուելայում

Հայաստանի տղամարդկանց բասկետբոլի ազգային հավաքականի ավագ Անդրե Սփայթ-Մկրտչյանը շարունակելու է իր կարիերան Վենեսուելայում։

30-ամյա պաշտպանն պայմանագիր է ստորագրել Կարակասի Spartans Distrito Capital ակումբի հետ։

Մկրտչյանի նախորդ ակումբը Ուրուգվայի «Բիգուա դե Վիլյա Բիարիս»-ն էր, որտեղ նա ցուցադրել է տպավորիչ վիճակագրություն՝ միջինում 23 միավոր, 3.5 վերադարձ և 5 արդյունավետ փոխանցում յուրաքանչյուր խաղում։ Նրա թիմը Ուրուգվայի առաջնությունում զբաղեցրել է 7-րդ տեղը։

Spartans Distrito Capital ակումբը հիմնադրվել է 2019 թվականին, և արդեն 2020-ին դարձել է Վենեսուելայի չեմպիոն։ Սփայթ-Մկրտչյանի միանալը պետք է ուժեղացնի թիմի պարիմետրը և փորձ ավելացնի միջազգային մրցաշարերում։

Իր հագեցած կարիերայի ընթացքում հայ բասկետբոլիստը հանդես է եկել ԱՄՆ-ում, Լեհաստանում, Ֆինլանդիայում, Ֆրանսիայում, Մեքսիկայում, Արգենտինայում, Ուրուգվայում, իսկ այժմ էլ կփորձի իրեն Վենեսուելայի լիգայում։

Հիշեցնենք, որ նոյեմբերի 27-ին Սփայթ-Մկրտչյանը Հայաստանի հավաքականի հետ միասին կմտնի խաղադաշտ՝ Եվրոբասկետ-2029-ի ընտրական փուլի առաջին տուրի շրջանակում Բուլղարիայի դեմ։