Հայաստանի հավաքականի ավագ Էդուարդ Սպերցյանը փոքր վնասվածք է ստացել հավաքի ընթացքում
- Հեղինակ: Vahe Hakobyan
- Sportaran
Հայաստանի հավաքականի ավագը և «Կրասնոդարի» կիսապաշտպան Էդուարդ Սպերցյանը թիմի մարզման ժամանակ ստացել է թեթև վնասվածք։ Այս մասին հայտնել է «Կրասնոդարի» գլխավոր մարզիչ Մուրադ Մուսաևը։
Վնասվածքի պատճառով Սպերցյանը չի ընդգրկվել Մոսկվայի «Դինամոյի» դեմ ընկերական հանդիպման հայտացուցակում, որը կայացել է երեքշաբթի՝ փետրվարի 10-ին։
— Հույս ունեմ, որ վնասվածքը լուրջ չէ։ Երեկ նախախաղային մարզման ժամանակ նա անհաջող կերպով ընկավ։ Նրան տարել են հետազոտության, և թվում է՝ ամեն ինչ այնքան էլ վատ չէ։ Սակայն վերականգնման համար մի քանի օր է անհրաժեշտ, — նշել է Մուսաևը «Մատչ ՏՎ»-ի եթերում։
«Կրասնոդարի» առաջին պաշտոնական հանդիպումը 2026 թվականին նախատեսված է փետրվարի 28-ին․ թիմը կխաղա «Ռոստովի» դեմ։ Մրցաշրջանի առաջին հատվածից հետո «Կրասնոդարը» գլխավորում է ՌՊԼ-ի մրցաշարային աղյուսակը, և թիմի առանցքային խաղացողներից մեկի առողջական վիճակը հատուկ ուշադրության կենտրոնում է երկրպագուների համար։
Քննարկեք նորությունները!
Անցնել մեկնաբանություններին ↓
Comments
0