Ինչպես հայ երկրպագուի հաղորդագրությունը հասավ Մխիթարյանին
- Հեղինակ: Vahe Hakobyan
- Sportaran
Անսովոր դրվագ է տեղի ունեցել Լոս Անջելեսում՝ Միլանի «Ինտերի» բաց մարզումից առաջ՝ մասնակցությամբ հայկական ծագում ունեցող տաքսու վարորդի և ակումբի աստղ Հենրիխ Մխիթարյանի։
Իտալացի սպորտային լրագրող Տանկրեդի Պալմերին (Sportitalia) «Ինտերի» մարզմանը գնում էր տաքսիով, որի վարորդը հայ էր։ Իմանալով, թե ով է ուղևորը և ուր է գնում, տաքսիստը չկորցրեց հնարավորությունը ողջույն հղելու Հայաստանի ազգային հավաքականի նախկին ավագին։ Նա ձայնագրեց կարճ աուդիոհաղորդագրություն՝ շնորհակալություն հայտնելով Մխիթարյանին՝ Հայաստանը բարձր մակարդակով ներկայացնելու և որպես հիանալի ֆուտբոլիստ մնալու համար։
Պալմերին մարզման ժամանակ ձայնագրությունը ցույց է տվել հենց Մխիթարյանին։ Հենրիխը ժպիտով լսել է ուղերձը և պատասխանել՝ տեսաուղերձ հղելով տաքսիստին ու շնորհակալություն հայտնելով ջերմ խոսքերի համար։
Պալմերիի խոսքով՝ Մխիթարյանը Լոս Անջելեսում «Ինտերի» երկրորդ ամենասիրված խաղացողն է թիմի ավագ Լաուտարո Մարտինեսից հետո։
Հիշեցնենք, որ Միլանի ակումբը ԱՄՆ-ում է՝ պատրաստվելով 2025 թ․ Աշխարհի ակումբային առաջնությանը։ «Ինտերը» առաջին հանդիպումը կանցկացնի արդեն հունիսի 18-ին՝ Պասադենայում՝ մրցելով մեքսիկյան «Մոնտերեյի» դեմ։
Քննարկեք նորությունները!
Անցնել մեկնաբանություններին ↓
Comments
0