Նաիր Տիկնիզյանը և «Ցրվենա Զվեզդան» դիմակայեցին «Սելտիկին» Եվրոպա լիգայում

Սեպտեմբերի 24-ին Բելգրադում «Ցրվենա Զվեզդան» և «Սելտիկը» բաժանեցին միավորները Եվրոպա լիգայի խմբային փուլի առաջին տուրում՝ 1:1 հաշվով։

Շոտլանդացիները բացեցին խաղի հաշիվը 55-րդ րոպեին՝ Կելեչի Իհեանաչոյի ջանքերով։ Սակայն տանտերերը արագ վերականգնեցին հավասարությունը․ 65-րդ րոպեին Նաիր Տիկնիզյանի վաստակած անկյունայինից հետո Մարկո Առնաուտովիչը խփեց հավասարակշռող գոլը։

Հայաստանի ազգային հավաքականի պաշտպան Նաիր Տիկնիզյանը խաղադաշտում անցկացրեց ամբողջ 90 րոպեն՝ հանդես գալով Բելգրադցիների պաշտպանության ձախ եզրում։ Նա ակտիվորեն միանում էր հարձակմանը, կատարում էր վազքեր եզրով և մի դրվագում, Առնաուտովիչի փոխանցումից հետո դուրս գալով հարվածային դիրք, գրեթե խփեց գոլ։

Հիշեցնենք, որ այս խաղից առաջ Նաիր Տիկնիզյանը ստացել էր սերբական քաղաքացիություն։

Տիկնիզյանի վիճակագրությունը խաղում․

• Դաշտում անցկացրած րոպեներ՝ 90+

• Ճշգրիտ փոխանցումներ՝ 24 (83%)

• Հաջող դրիբլինգ՝ 1/2

• Հարվածներ՝ 1

• Հաղթած մենամարտեր՝ 1/6

• Հաղթած օդային մենամարտեր՝ 1/1

• Գնդակի կորուստներ՝ 10

• Խախտումներ՝ 2

• Դեղին քարտեր՝ 1

• Հեռացումներ՝ 1

• Ընդհատումներ (interceptions)՝ 2

• SofaScore գնահատական՝ 6․0

«Ցրվենա Զվեզդայի» հաջորդ խաղը կայանալու է հոկտեմբերի 2-ին Պորտուգալիայում՝ «Պորտուի» դեմ։

Եվրոպա լիգայի 2025/26 մրցաշրջանի խմբային փուլի առաջին տուրի արդյունքները․

• «Միդտյուլանդ» – «Շտուրմ» 2:0

• «ՊԱՕԿ» – «Մաքաբի Թել Ավիվ» 0:0

• «Ցրվենա Զվեզդա» – «Սելտիկ» 1:1

• «Դինամո Զագրեբ» – «Ֆեներբախչե» 3:1

• «Մալմյո» – «Լուդոգորեց» 1:2

• «Նիցցա» – «Հռոմա» 1:2

• «Ռեալ Բետիս» – «Նոթինգհեմ Ֆորեսթ» 2:2

• «Ֆրայբուրգ» – «Բազել» 2:1

• «Բրագա» – «Ֆեյենորդ» 1:0