«Առնվազն երկրորդ տեղից պետք է դուրս գանք խմբից». Սանոսյանը՝ ԵՎՐՈ-2026-ի վիճակահանության մասին
- Հեղինակ: Vahe Hakobyan
- Sportaran
Հայաստանի ֆուտզալի ազգային հավաքականի ավագ Վլադիմիր Սանոսյանը մեկնաբանել է Եվրոպայի 2026 թվականի առաջնության եզրափակիչ փուլի վիճակահանության արդյունքները և գնահատել է ազգային թիմի հնարավորությունները։
Հայաստանի հավաքականը պատմության մեջ առաջին անգամ կմասնակցի ֆուտզալի ԵՎՐՈ-ին։ Թիմը հանդես կգա B խմբում՝ Չեխիայի, Ուկրաինայի և Լիտվայի հավաքականների հետ։ Մրցաշարը կանցկացվի երեք երկրում՝ Լիտվայում, Լատվիայում և Սլովենիայում՝ 2026 թվականի հունվարի 21-ից մինչև փետրվարի 7-ը։
«Շատ հաջող խումբ է մեզ համար, մեծ շանսեր ունենք փլեյ-օֆֆ դուրս գալու։ Ուկրաինան մեր խմբի ֆավորիտն է, բայց ես չէի ասի, թե նրանք մեզնից շատ ուժեղ են։ Պարզապես ավելի փորձառու են՝ արդեն հանդես են եկել այս մակարդակով, իսկ մեզ համար սա առաջին փորձն է։ Համոզված եմ, որ պայքար կծավալենք և կանենք ամեն ինչ՝ խմբից դուրս գալու համար։
Չեխիայի հետ խաղացել ենք 2022-ին և հաղթել։ Այդ ժամանակից նրանք լուրջ աճ են գրանցել՝ Ֆրանսիայի դեմ խաղը դիտել էի, լավ էին երևում։ Ավելի բարդ կլինի, քան այն ժամանակ։ Առնվազն երկրորդ տեղից պետք է դուրս գանք խմբից։ Հետո ամեն ինչ մեր ձեռքերում և ոտքերում է», — ասել է Սանոսյանը։
Քննարկեք նորությունները!
Անցնել մեկնաբանություններին ↓
Comments
0