Ինչպես խաղաց Հենրիխ Մխիթարյանը Կլուբային ԱԱ-ում իր առաջին խաղում

«Ինտերի» կիսապաշտպան Հենրիխ Մխիթարյանը խաղադաշտում անցկացրեց 78 րոպե Կլուբային աշխարհի առաջնության 2025 թվականի առաջին տուրի խաղում Մեքսիկայի «Մոնտեռեյի» դեմ։ Խաղն ավարտվեց ոչ ոքի՝ 1։1։

Առաջին խաղակեսում հաշիվը բացեց «Մոնտեռեյի» պաշտպան Սերխիո Ռամոսը, իսկ երկրորդում «Ինտերը» հավասարեցրեց՝ Լաուտարո Մարտինեսի գոլի շնորհիվ։ Մխիթարյանը սկսեց խաղը մեկնարկային կազմում և փոխարինվեց 78-րդ րոպեին՝ հաշիվը 1։1։

Սա «Ինտերի» առաջին հանդիպումն էր Կրիստիան Կիվուի գլխավորությամբ։

Հայ կիսապաշտպանը վստահ խաղ ցուցադրեց և SofaScore-ի գնահատմամբ ստացավ 7․3 միավոր։ Նրա վիճակագրությունը՝

• Բանալին փոխանցումներ՝ 1

• Ճշգրիտ փոխանցումներ՝ 41 (93%)

• Երկար փոխանցումներ՝ 1-ից 1

• Հաջող դրիբլինգ՝ 3-ից 3

• Մենամարտեր՝ 10-ից 5 հաղթած

• Գնդակի կորուստներ՝ 8

• Խախտումներ՝ 2

• Իր դեմ խաղի կանոնների խախտում՝ 1

• Հեռացումներ՝ 1

• Ընդհատումներ՝ 2

• Գնդակի խլումներ՝ 1

Իտալական մամուլի գնահատականները Մխիթարյանի խաղին՝

FcInterNews (գնահատական՝ 6):
«Դժվարություններ է ունենում, հատկապես երբ «Մոնտեռեյը» բարձրացնում է պաշտպանությունը և սահմանափակում նրա գործողությունները։ Տեխնիկայով պահում է գնդակը, իսկ դիրքային զգացողությունը թույլ է տալիս կանխել հակառակորդի մտահղացումները։ Ժամանակի ընթացքում ավելի լավ է խաղում»։

PassioneInter (գնահատական՝ 6):
«Վերադարձնում է գնդակներ՝ օգտվելով մրցակցի սխալներից։ Խաղը ավարտում է հարձակվող կիսապաշտպանի դիրքում՝ սխեմայի փոփոխությունից հետո»։

Tuttomercatoweb (գնահատական՝ 6․5):
«Խաղն ավարտում է «տրեքուարտիստայի» դիրքում՝ ինչպես հին օրերին։ «Ինտերի» էությունը՝ գնդակի վերահսկում, բայց պակասում է կոնկրետությունն»։

Calciomercato (գնահատական՝ 5․5):
«Նրա կողքով դժվար է անցնել կենտրոնում։ Փորձում է խաղը կառուցել պաշտպանությունից հարձակման անցումներով, բայց միշտ չէ, որ խաղը ճիշտ է կարդում»։

«Ինտերի» հաջորդ հանդիպումը կայանալու է հունիսի 21-ին՝ Ճապոնիայի «Ուրավա Ռեդսի» դեմ։