Հայտնի է, թե որքան գումար է ստացել «Ուրարտուն» Իվան Իգնատևի վաճառքից

Երևանի «Ուրարտուն» գումար է ստացել ռուս հարձակվող Իվան Իգնատևի տրանսֆերի համար դեպի Ալժիրի «ԺՍ Կաբիլի» ակումբ։

Transfermarkt-ի տվյալներով՝ փոխանցման գումարը կազմել է 300 հազար եվրո։ Ինքը՝ ֆուտբոլիստը, նոր ակումբի հետ պայմանագիր է կնքել մինչև 2027 թվականի ամառը։

Իվան Իգնատևը «Ուրարտու» էր տեղափոխվել այս մրցաշրջանի մեկնարկից առաջ՝ ազատ գործակալի կարգավիճակով։ Երևանի թիմի կազմում նա անցկացրել է 19 հանդիպում և խփել 13 գոլ՝ դառնալով Հայաստանի առաջնության աշնանային հատվածի լավագույն ռմբարկուն։

Նշենք, որ «Ուրարտուն» երկրորդ մրցաշրջանն անընդմեջ հաջողությամբ վաճառում է ֆուտբոլիստների։ Նախորդ մրցաշրջանում ակումբը 950 հազար եվրո էր վաստակել (առանց բոնուսների) երեք խաղացողի՝ Ուգոչուկվու Իվուի (600 հզ.), Նարեկ Գրիգորյանի (250 հզ.) և Նանա Անտվիի (100 հզ.) տրանսֆերներից։