Զագրեբում կայացած ազատ ոճի ըմբշամարտի վարկանիշային մրցաշարի երկրորդ օրվա արդյունքները

Փետրվարի 5-ին Խորվաթիայում տեղի ունեցավ Zagreb Open 2026 ըմբշամարտի վարկանիշային մրցաշարի երկրորդ օրը։ Երկրորդ օրը մեդալներ խաղարկվեցին ազատ ոճի չորս քաշային կարգերում՝ 79, 92, 97 և 125 կգ։

Ոսկե մեդալներ նվաճեցին Ֆրանսիայի, Իրանի, ԱՄՆ-ի և Բահրեյնի ըմբիշները։ Հաշվի առնելով առաջին օրը նվաճած չորս ոսկիները՝ ԱՄՆ հավաքականը վստահ առաջատար է թիմային հաշվարկում։

Օրվա ամենադրամատիկ եզրափակիչը տեղի ունեցավ 97 կգ քաշային կարգում՝ ամերիկացի Սթիվեն Բյուքենենը համոզիչ հաղթանակ տարավ օլիմպիական չեմպիոն և աշխարհի եռակի չեմպիոն Հասան Յազդանիի նկատմամբ։

Երկրորդ օրվա արդյունքները՝

79 կգ.

• Զելիմխան Հաջիև (Ֆրանսիա)

• Դին Համիթի (ԱՄՆ)

• Ադել Փանեյան (Իրան), Էվան Ուիք (ԱՄՆ)
  Եզրափակիչ․ Հաջիև — Համիթի 4:4 (+/-)

92 կգ.

• Մոբին Ազիմի (Իրան)

• Թրենթ Հիդլեյ (ԱՄՆ)

• Դասթին Փլոթ (ԱՄՆ)
  (Մրցումը՝ շրջանաձև ձևաչափով)

97 կգ.

• Սթիվեն Բյուքենեն (ԱՄՆ)

• Հասան Յազդանի (Իրան)

• Վիկի (Հնդկաստան), Անդրո Մերգիշվիլի (Վրաստան)
  Եզրափակիչ․ Բյուքենեն — Յազդանի 13:3

125 կգ.

• Շամիլ Շարիպով (Բահրեյն)

• Ուայթ Հենդրիքսոն (ԱՄՆ)

• Դինեշ (Հնդկաստան), Մորտեզա Ջանմոհամադզադե (Իրան)
  Եզրափակիչ․ Շարիպով — Հենդրիքսոն 4:0

Թիմային հաշվարկ՝

1. ԱՄՆ – 215

2. Իրան – 180

3. Հնդկաստան – 118

4. Վրաստան – 114

5. Ֆրանսիա – 60

Առաջին օրվա արդյունքները։