2026 թվականի «Մեծ սաղավարտ» մրցաշարի Թբիլիսիի փուլ․ առաջին օրվա արդյունքները

Մարտի 20-ին Թբիլիսիում մեկնարկեց 2026 թվականի ձյուդոյի «Մեծ սաղավարտ» շարքի երրորդ փուլը։ Առաջին մրցումային օրը որոշվեցին հաղթողները և մրցանակակիրները տղամարդկանց երկու և կանանց երեք քաշային կարգերում։

Իսրայելը առաջին օրը նվաճեց երկու ոսկե մեդալ՝ մեկը տղամարդկանց, մեկը կանանց մրցումներում։ Մեկական ոսկե մեդալ նվաճեցին նաև Ղազախստանի, Թուրքիայի և Ֆրանսիայի ներկայացուցիչները։

Հայ ձյուդոիստների ելույթը
Մարտին Բադալյանը (60 կգ) առաջին գոտեմարտում հաղթեց բելգիացի Օլիվյե Նաերտին, սակայն հետո պարտվեց Սամարիդդին Կուչկարովին (Ուզբեկստան)։

Վահե Աղասյանը (60 կգ) ավարտեց իր ելույթը առաջին գոտեմարտից հետո՝ պարտվելով բելգիացի Ժորրե Վերստրատենին։

Մարտի 21-ին տատամի դուրս կգա Արտակ Թորոսյանը (73 կգ), իսկ մարտի 22-ին՝ Գոռ Կարապետյանը (100 կգ)։

Առաջին օրվա արդյունքները

Տղամարդիկ
60 կգ՝

• Իժակ Աշպիզ (Իսրայել)

• Աչըտի Դոմբուու (Ռուսաստան)

• Սամարիդդին Կուչկարով (Ուզբեկստան) և Թալգատ Օրինբասսար (Ղազախստան)

66 կգ՝

• Նուրկանատ Սերիկբաև (Ղազախստան)

• Թուրան Բայրամով (Ադրբեջան)

• Թորնիկե Ցիգաուրի (Վրաստան) և Ռամազան Աբդուլաև (Ռուսաստան)

Կանայք
48 կգ՝

• Թուղջե Բեդեր (Թուրքիա)

• Տարա Բաբուլֆաթ (Շվեդիա)

• Մարինա Վորոբյովա (Ռուսաստան) և Սաբինա Գիլյազովա (Ռուսաստան)

52 կգ՝

• Բլանդին Պոն (Ֆրանսիա)

• Տատում Քին (Մեծ Բրիտանիա)

• Գաբրիելա Դիմիտրովա (Բուլղարիա) և Գեֆեն Պրիմո (Իսրայել)

57 կգ՝

• Տիմնա Նելսոն Լևի (Իսրայել)

• Ինբալ Շեմեշ (Իսրայել)

• Պիհլա Սալոնեն (Ֆինլանդիա) և Մարթա Ֆավազ (Ֆրանսիա)

Մրցաշարը կավարտվի մարտի 22-ին։