Ձյուդոյի Եվրոպայի 2025 թվականի առաջնության առաջին օրվա արդյունքները. Հայտնի են առաջին հաղթողներն ու մրցանակակիրները

Ապրիլի 23-ին Չեռնոգորիայի մայրաքաղաք Պոդգորիցայում մեկնարկեց ձյուդոյի 2025 թ․ Եվրոպայի առաջնությունը։ Մրցումների առաջին օրը տղամարդկանց (60 և 66 կգ) և կանանց (48 և 52 կգ) քաշային երկուական կարգերում խաղարկվեցին մեդալները։

Հայաստանի հավաքականի կազմում առաջին մրցային օրը հանդես եկավ Աշիկ Անդրեյանը (60 կգ), ով ցուցադրեց բարձրակարգ մենամարտեր և հասավ բրոնզե մեդալի համար գոտեմարտի։ Այդ գոտեմարտում նա պարտվեց օլիմպիական մրցանակակիր Լուկա Մխեյձեին և արդյունքում զբաղեցրեց հինգերորդ տեղը։

Առաջին օրվա արդյունքներով երկու ոսկե մեդալ նվաճեցին Ֆրանսիայի ներկայացուցիչները։ Մեկական ոսկի ունեցան նաև Վրաստանը և Կոսովոն։

2025 թ․ ԵԱ-ի առաջին օրվա արդյունքները՝ ձյուդո

Տղամարդիկ

60 կգ․

1. Գեորգի Սարդալաշվիլի (Վրաստան)

2. Այուբ Բլիև (Ռուսաստան)

3. Ահմադ Յուսիֆով (Ադրբեջան) և Լուկա Մխեյձե (Ֆրանսիա)

66 կգ․

1. Դայկիյ Բուբա (Ֆրանսիա)

2. Մուրադ Չոպանով (Ռուսաստան)

3. Լուուկաս Սահա (Ֆինլանդիա) և Վալիդե Խյար (Ֆրանսիա)

Կանայք

48 կգ․

1. Շիրին Բուկլի (Ֆրանսիա)

2. Կատարինա Կոշտա (Պորտուգալիա)

3. Ասունտա Սկուտտո (Իտալիա) և Անդրեա Ստոյադինով (Սերբիա)

52 կգ․

1. Դիստրիա Կրասնիկի (Կոսովո)

2. Օդետտե Ջուֆրիդա (Իտալիա)

3. Նոմի վան Կրևել (Նիդերլանդներ) և Արիանե Տորո Սոլեր (Իսպանիա)