Իռլանդիան ոչ-ոքի խաղաց Հունգարիայի հետ՝ երևանյան այցից առաջ

Իռլանդիայի հավաքականը փրկվեց տնային հանդիպման վերջնամասում Հունգարիայի դեմ (2:2)՝ աշխարհի 2026 թվականի առաջնության որակավորման մրցաշարի F խմբի առաջին տուրում, որտեղ հանդես են գալիս նաև Հայաստանը և Պորտուգալիան։

Արդեն 15-րդ րոպեին հյուրերը 2:0 առաջ էին անցել Բառնաբաշ Վարգայի և Ռոլանդ Սալայի գոլերի շնորհիվ։ Սակայն տանտերերը չհանձնվեցին․ երկրորդ խաղակեսի սկզբում աչքի ընկավ Էվան Ֆերգյուսոնը, իսկ լրացված ժամանակում Ռայն Մանինգի փոխանցումից հետո Ադամ Այդան հավասարեցրեց հաշիվը։ Բացի այդ, 52-րդ րոպեից Իռլանդիան ունեին թվային առավելություն՝ Սալայիի հեռացման պատճառով։

Իռլանդիա – Հունգարիա 2:2
Գոլեր․ Վարգա (2), Սալայի (15) – Ֆերգյուսոն (49), Այդա (90+3)։
Հեռացում․ Սալայի (52, Հունգարիա)։

Հունգարացիների արագ երկու հարվածներից հետո իռլանդացիները լիովին զավթեցին նախաձեռնությունը՝ կատարելով 23 հարված մրցակցի դարպասին և վերջում արժանանալով պարգևի։

Հիշեցնենք, որ խմբի մյուս խաղում Պորտուգալիան մեծ հաշվով հաղթեց Հայաստանին՝ 5:0։

Երկրորդ տուրը կկայանա սեպտեմբերի 9-ին․ Երևանում Հայաստանի ազգային հավաքականը կընդունի Իռլանդիային (20:00՝ տեղական ժամանակով), իսկ Հունգարիան կհանդիպի Պորտուգալիային։

Հայաստանի հավաքականը Հունգարիայի դեմ խաղը կանցկացնի հոկտեմբերի 11-ին։

Եղիշե Մելիքյան․ «Պորտուգալիան մեզ ճնշեց որակով, բայց Հայաստանի ապագան լուսավոր է»