«Ինտերը» խմբի առաջին տեղով դուրս եկավ Աշխարհի ակումբային առաջնության փլեյ-օֆֆ՝ հաղթելով «Ռիվեր Փլեյթին»

Միլանի «Ինտերը» վստահ ավարտեց Աշխարհի ակումբային առաջնություն 2025-ի խմբային փուլը՝ 2:0 հաշվով հաղթելով Արգենտինայի «Ռիվեր Փլեյթին» և զբաղեցնելով առաջին տեղը։ 1/8 եզրափակչում «նեռաձուրրին» կխաղան Բրազիլիայի «Ֆլումինենսեի» դեմ։

Հանդիպման հերոսներ դարձան հարձակվողներ Լաուտարո Մարտինեսը և Սեբաստիանո Էսպոզիտոն, ովքեր գոլեր խփեցին համապատասխանաբար 72-րդ և 93-րդ րոպեներին։ Քրիստիան Քիվուի թիմը հասուն խաղ ցուցադրեց և վերահսկեց հանդիպման ընթացքը։

Կարևոր դրվագներից մեկն էր «Ռիվերի» պաշտպան Լուկաս Մարտինեսի կարմիր քարտը․ նա 65-րդ րոպեին խախտեց Հենրիխ Մխիթարյանի միակողմանի անցումը՝ ստանալով ուղիղ կարմիր։ Հայ կիսապաշտպանը մասնակցեց ողջ խաղին և ակտիվ էր ամբողջ հանդիպման ընթացքում։

Հենրիխ Մխիթարյանի վիճակագրությունը.

• Խաղացված րոպեներ՝ 90+

• Ճշգրիտ փոխանցումներ՝ 36 (86%)

• Բանալի փոխանցումներ՝ 2

• Հարվածներ՝ 2

• Հաղթած մենամարտեր՝ 1 / 8

• Գնդակի կորուստներ՝ 13

• Խախտումներ՝ 2

• Խախտումներ իր դեմ՝ 1

• SofaScore վարկանիշ՝ 6.6

«Ինտերը» վստահ ձևով անցնում է փլեյ-օֆֆ՝ հաջորդ խաղը կանցկացվի հունիսի 30-ին «Ֆլումինենսեի» դեմ։

Ե խմբի արդյունքները.